آپریشن رَدُّ الفتنہ 3 دے تحت بلوچستان اچ دہشت گرداں دے خلاف انٹیلی جنس بیسڈ کارروائیاں جاری، 15 خوارج جہنم واصل

اسلام آباد۔ 9 اگست (اے پی پی) آپریشن رَدُّ الفتنہ 3 دے تحت بلوچستان اچ دہشت گرداں دے خلاف انٹیلی جنس بیسڈ مختلف کارروائیاں دے دوران 15 خوارج جہنم واصل کر ݙتے ڳئن۔ سکیورٹی فورسز مستونگ، بولان، واشک، آواران، سبی، خضدار، ہرنائی تے نوشکی اچ خوارج دے خلاف متعدد کارروائیاں کیتیاں جنھاں دے نتیجے اچ 15 خوارج جہنم واصل تھئے، انھاں دے قبضے توں وݙی مقدار اچ اسلحہ تے گولہ بارود وی برآمد کیتا ڳیا۔ سکیورٹی فورسز دی مؤثر کارروائیاں دے باعث خوارج دے نیٹ ورک کوں شدید نقصان تھیے اتے انھاں دی نقل و حرکت محدود کر ݙتی ڳئی اے۔ سکیورٹی فورسز دہشت گردی دے مکمل خاتمے تائیں آپریشن رَدُّ الفتنہ 3 دے تحت اپنی کارروائیاں بلا تعطل جاری رکھݨ کیتے پرعزم ہن۔