لاہور۔ 9 اگست (اے پی پی) وفاقی وزیرِ داخلہ محسن نقوی علامہ اقبال انٹرنیشنل ایئرپورٹ لاہور دا دورہ کیتا اتے مسافراں دے امیگریشن پراسیس دا جائزہ گھدا۔ انھاں امیگریشن کاؤنٹرز دا معائنہ کیتا اتے عملے توں امیگریشن دے عمل تے مسافراں کوں فراہم کیتیاں ونڄݨ آلیاں سہولتاں دے بارے اچ دریافت کیتا۔ وفاقی وزیر امیگریشن دے منتظر مسافراں نال وی ملاقات کیتی اتے انھاں توں امیگریشن پراسیس اچ لڳݨ آلے …
وفاقی وزیرِ داخلہ دا علامہ اقبال انٹرنیشنل ایئرپورٹ لاہور دا دورہ، امیگریشن پراسس دا جائزہ گھدا
مزید خبراں
لاہور۔ 9 اگست (اے پی پی) وفاقی وزیرِ داخلہ محسن نقوی علامہ اقبال انٹرنیشنل ایئرپورٹ لاہور دا دورہ کیتا اتے مسافراں دے امیگریشن پراسیس دا جائزہ گھدا۔ انھاں امیگریشن کاؤنٹرز دا معائنہ کیتا اتے عملے توں امیگریشن دے عمل تے مسافراں کوں فراہم کیتیاں ونڄݨ آلیاں سہولتاں دے بارے اچ دریافت کیتا۔ وفاقی وزیر امیگریشن دے منتظر مسافراں نال وی ملاقات کیتی اتے انھاں توں امیگریشن پراسیس اچ لڳݨ آلے وقت دے بارے پچھیا۔ مسافراں ݙسیا جو امیگریشن دے عمل اچ تقریباً 30 منٹ لڳدے پئن تے انتظامات کوں ٻیا بہتر بݨاوݨ دی ضرورت اے۔ وزیرِ داخلہ مسافراں دی شکایت دا فوری نوٹس گھندیں ہوئیں امیگریشن دے عمل کوں تیز کرݨ کیتے ایئرپورٹ تے تمام کاؤنٹرز کھلے رکھݨ دے احکامات جاری کیتے۔ انھاں آکھیا جو ٻئے کاؤنٹرز وی کھلݨ نال امیگریشن اچ تاخیر نہ تھیسی اتے مسافراں کوں زیادہ سہولت میسر آسی۔ وزیرِ داخلہ مسافراں کوں یقین دہانی کرائی جو امیگریشن دے عمل کوں ٻیا تیز تے موثر بݨایا ویسے اتے مسافراں کوں غیر ضروری انتظار دا سامݨا نہ کرݨا پوسی۔ ایں موقع تے ہک مسافر ایجنٹ دی جانب توں رقم گھنݨ دی شکایت وی کیتی۔ وزیرِ داخلہ شکایت دا موقع تے نوٹس گھندیں ہوئیں معاملہ ڈائریکٹر ایف آئی اے دے سپرد کر ݙتا اتے متعلقہ ایجنٹ دی گرفتاری دے احکامات جاری کیتے۔ وزیرِ داخلہ ایف آئی اے حکام کوں ہدایت کیتی جو نامکمل سفری دستاویزات تے کہیں کوں سفر دی اجازت ہرگز نہ ݙتی ونڄے جڈانجو مکمل دستاویزات رکھݨ آلے کہیں مسافر کوں سفر توں نہ روکیا ونڄے۔
