ترائیں ملکاں دے درمیان اے دفاعی معاہدہ کہیں دے خلاف نئی بلکہ خطے اچ امن دی ضمانت فراہم کریسی، پروفیسر احسن اقبال

اسلام آباد۔ 9 اگست (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال پاکستان، سعودی عرب تے ترکیہ دے درمیان دفاعی معاہدے تے پاکستانی قوم کوں مبارکباد ݙیندیں ہوئیں آکھیا جو ترائیں ملکاں وچال اے دفاعی معاہدہ کہیں دے خلاف نہیں بلکہ خطے اچ امن دی ضمانت فراہم کریسی۔ اتوار دے ݙینھ پاکستان، ترکیہ تے سعودی عرب مکہ مشترکہ معاہدے دے حوالے نال ڳالھ کریندیں ہوئیں احسن اقبال آکھیا جو ترائیں ملکاں وچال دفاعی معاہدے توں پاکستان کوں ہک ٻئی تاریخی کامیابی ملی اے، حالیہ واقعیاں ثابت کیتے جو ایں خطے دے اندر جیو پولیٹکس دے نتیجے اچ جو بے یقینی تے تنازعاں دے گہرے سائے آئن، انھاں توں پاکستان ای نئی بلکہ پورا خطہ بری طرحاں متاثر تھیے، خطے دے امن تے سلامتی کیتے اتھاں دے ملکاں کوں رَل تے ہک ٻئے نال تعاون کرݨا پوسی۔