سکیورٹی فورسز دی پنجگور دے علاقے سرکینی، چھیدگی اچ کارروائی، فتنہ الہندوستان دے اہم سرغنہ سمیت 5 دہشت گرد جہنم واصل

اسلام آباد۔ 10 اگست (اے پی پی) سکیورٹی فورسز صوبہ بلوچستان اچ پنجگور دے علاقے سرکینی، چھیدگی اچ فتنہ الہندوستان دے دہشت گرداں دے خلاف انٹیلی جنس بیسڈ آپریشن دے دوران فتنہ الہندوستان دے اہم سرغنہ وزیر ولد جمال سمیت 5 دہشت گرداں کوں جہنم واصل کر ݙتے۔ سکیورٹی ذرائع دے مطابق سکیورٹی فورسز دی آپریشن رَدُّ الفتنہ 3 دے تحت بلوچستان اچ دہشت گرداں دے خلاف مؤثر تے کامیاب کارروائیاں جاری ہن۔ سکیورٹی فورسز فتنہ الہندوستان دے دہشت گرداں دے خلاف پنجگور دے علاقے سرکینی، چھیدگی اچ انٹیلی جنس بیسڈ آپریشن کیا، کامیاب کارروائی دے دوران فتنہ الہندوستان دے اہم سرغنہ وزیر ولد جمال سمیت 5 دہشت گرد جہنم واصل تھی ڳئے۔ آپریشن دے دوران دہشت گرداں دے قبضے توں 4 موٹر سائیکلاں، مشین گناں تے بھاری اسلحہ تے گولہ بارود برآمد کیتا ڳیا۔ سکیورٹی فورسز پنجگور دے علاقے سرکینی، چھیدگی اچ دہشت گرداں دی موجودگی دی خفیہ اطلاعات تے انٹیلی جنس بیسڈ آپریشن کیتا۔ ہلاک دہشت گرد پنجگور اچ مقامی تاجراں تے ٻئے شہریاں توں لٹ مار، بھتہ خوری، اغوا تے دہشت گردی دیاں ٻئیاں کارروائیاں اچ ملوث ہن۔ علاقے اچ فتنہ الہندوستان دے ممکنہ ٻئے دہشت گرداں دے مکمل خاتمے کیتے کلیئرنس آپریشن جاری اے۔ سکیورٹی ذرائع آکھیا جو سکیورٹی فورسز بلوچستان توں فتنہ الہندوستان دے دہشت گرداں دے ناسور دے مکمل خاتمے کیتے پرعزم ہن۔