اسلام آباد۔ 10 اگست (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزریل رات کویت دے وزیرِ خارجہ شیخ جراح جابر الاحمد الصباح نال ٹیلیفون تے ڳالھ مہاڑ کیتی۔ سنوار دے ݙینھ وزارتِ خارجہ توں جاری بیان دے مطابق کویت دے وزیرِ خارجہ شیخ جراح جابر الاحمد الصباح پاکستان، سعودی عرب تے ترکیہ وچال حالیہ مکہ مشترکہ دفاعی معاہدے تے نائب وزیرِ اعظم تے وزیرِ …
نائب وزیرِ اعظم تے وزیرِ خارجہ سینیٹر محمد اسحاق ڈار دی کویت دے وزیرِ خارجہ شیخ جراح جابر الاحمد الصباح نال ٹیلیفونک ڳالھ مہاڑ
اسلام آباد۔ 10 اگست (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزریل رات کویت دے وزیرِ خارجہ شیخ جراح جابر الاحمد الصباح نال ٹیلیفون تے ڳالھ مہاڑ کیتی۔ سنوار دے ݙینھ وزارتِ خارجہ توں جاری بیان دے مطابق کویت دے وزیرِ خارجہ شیخ جراح جابر الاحمد الصباح پاکستان، سعودی عرب تے ترکیہ وچال حالیہ مکہ مشترکہ دفاعی معاہدے تے نائب وزیرِ اعظم تے وزیرِ خارجہ سینیٹر محمد اسحاق ڈار کوں مبارکباد پیش کیتی۔ ݙونھاں رہنماواں علاقائی صورتحال بالخصوص مقبوضہ بیت المقدس دی صورتحال تے وی ڳالھ کیتی۔ ڳالھ مہاڑ اچ پاکستان تے کویت دے آپسی تعلقات تے دلچسپی دے امور دا وی جائزہ گھدا ڳیا۔ ایں موقع تے وزیرِ خارجہ دے کویت دے حالیہ دورہِ پاکستان دے بعد تھیوݨ آلی پیش رفت تے اہم شعبیاں اچ تعاون تے سرمایہ کاری کوں ٻیا فروغ ݙیوݨ دے امور تے وی ڳالھ تھئی۔ ݙونھاں رہنماواں قریبی رابطے تے مشاورت جاری رکھݨ تے اتفاق کیتا۔
