اسلام آباد۔ 10 اگست (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزشتہ رات کانگو دے صدر فیلکس آنتوان تشیسکیدی تشیلومبو تے گنی بساؤ دے سابق صدر جنرل عمرو سیسوکو ایمبالو دے نال مشترکہ طور تے ڳالھ مہاڑ کیتی۔ سنوار دے ݙینھ وزارتِ خارجہ توں جاری بیان دے مطابق نائب وزیرِ اعظم تے وزیرِ خارجہ انھاں کوں پاکستان، سعودی عرب تے ترکیہ وچال حال اچ …
نائب وزیرِ اعظم تے وزیرِ خارجہ سینیٹر محمد اسحاق ڈار دی کانگو دے صدر تے گنی بساؤ دے سابق صدر نال مشترکہ ڳالھ مہاڑ، مکہ دفاعی معاہدے دی اہمیت توں آگاہ کیا
اسلام آباد۔ 10 اگست (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار گزشتہ رات کانگو دے صدر فیلکس آنتوان تشیسکیدی تشیلومبو تے گنی بساؤ دے سابق صدر جنرل عمرو سیسوکو ایمبالو دے نال مشترکہ طور تے ڳالھ مہاڑ کیتی۔ سنوار دے ݙینھ وزارتِ خارجہ توں جاری بیان دے مطابق نائب وزیرِ اعظم تے وزیرِ خارجہ انھاں کوں پاکستان، سعودی عرب تے ترکیہ وچال حال اچ طے تھیوݨ آلے مکہ مشترکہ دفاعی معاہدے دے خدوخال تے ایں دی اہمیت توں آگاہ کیا۔ انھاں آکھیا جو اے معاہدہ سٹریٹجک تعاون کوں مزید مضبوط بݨاوݨ تے خطے اچ امن، استحکام تے سلامتی دے فروغ اچ معاون ثابت تھیسی۔ نائب وزیرِ اعظم تے وزیرِ خارجہ تے صدر تشیسکیدی پاکستان تے جمہوریہ کانگو دے باہمی تعلقات تے وی ڳالھ کیتی اتے اعلیٰ سطحی رابطیاں سمیت ݙو پاسہ تعاون کوں مزید مضبوط بݨانوݨ دی اہمیت تے اتفاق کیتا۔ نائب وزیرِ اعظم تے وزیرِ خارجہ صدر تشیسکیدی تے عوامی جمہوریہ کانگو کیتے نیک خواہشات دا اظہار کیتا۔
