نوجوان پاکستان دا قیمتی اثاثہ ہن، پاکستانی نوجواناں مختلف شعبیاں اچ دنیا بھر اچ پاکستان دا نام روشن کیتے، سردار ایاز صادق

اسلام آباد۔ 12 اگست (اے پی پی) سپیکر قومی اسمبلی سردار ایاز صادق آکھیا اے جو نوجوان پاکستان دا قیمتی اثاثہ ہن، اساݙے نوجوان بے پناہ صلاحیتیاں دے مالک ہن، پاکستانی نوجواناں مختلف شعبیاں اچ دنیا بھر اچ پاکستان دا نام روشن کیتے، نوجواناں کوں تعلیم، ہنر تے روزگار دے بہتر موقعے فراہم کرݨ ضروری اے۔ اے ڳالھیں انھاں نوجواناں دے عالمی ݙینھ دے موقع تے آپݨے سنیھے اچ کیتا۔ انھاں آکھیا جو نوجواناں دی صلاحیتیاں کوں بروئے کار گھن آ تے ملک کوں ترقی دی راہ تے گامزن کیتا ونڄ سڳدے، قومی اسمبلی نوجواناں کوں بااختیار بݨاوݨ تے انھاں دی فلاح و بہبود کیتے قانون سازی کرݨ کیتے پرعزم اے، یوتھ انٹرنشپ پروگرام دے ذریعے نوجواناں کوں پارلیمانی امور نال روشناس کرایا ویندا پئے۔ انھاں آکھیا جو ینگ پارلیمنٹیرینز فورم نوجواناں اچ جمہوری شعور اجاگر کرݨ اچ فعال کردار ادا کریندا پئے، نوجواناں دی پارلیمانی عمل اچ شمولیت جمہوریت دے فروغ کیتے ناگزیر اے، ینگ پارلیمنٹیرینز فورم نوجواناں دے مسائل کوں اجاگر کرݨ اچ فعال کردار ادا کریندا پئے، ینگ پارلیمنٹرینز فورم نوجواناں تے پارلیمان وچال پل دا کردار ادا کریندا پئے۔انھاں آکھیا جو نوجواناں دا جدید ٹیکنالوجی تے مصنوعی ذہانت دی مہارتاں نال آراستہ تھیوݨ ملک دی ترقی کیتے اہم اے، حکومتِ پاکستان نوجواناں کوں روزگار دے باعزت موقعے فراہم کرݨ کیتے ترجیحی بنیاداں تے اقدامات کریندی پئی اے، حکومتِ پاکستان ولوں پاکستان دی پہلی نیشنل یوتھ ایمپلائمنٹ پالیسی قابلِ ستائش اقدام اے۔ انھاں آکھیا جو پاکستان دے روشن مستقبل کیتے نوجواناں کوں بااختیار بݨاوݨ اساݙی مشترکہ ذمہ واری اے۔