نوجوان پاکستان دا قیمتی انسانی سرمایہ تے روشن مستقبل دی ضمانت ہن، اعظم نذیر تارڑ

اسلام آباد۔ 12 اگست (اے پی پی) وفاقی وزیر برائے قانون، انصاف تے انسانی حقوق سینیٹر اعظم نذیر تارڑ آکھیا جو نوجوان پاکستان دا قیمتی انسانی سرمایہ اتے روشن مستقبل دی ضمانت ہن، نوجواناں دی توانائی، صلاحیت تے تخلیقی سوچ ملک دی ترقی دا اہم ذریعہ اے۔ عالمی یومِ نوجوانان دے موقع تے آپݨے سنیھے اچ وفاقی وزیر آکھیا جو نوجواناں کوں بااختیار بݨاوݨ پاکستان دے مستقبل اچ سرمایہ کاری اے، انھاں کوں معیاری تعلیم، ہنر، روزگار تے مساوی موقعے فراہم کرݨے ہوسن۔ انھاں آکھیا جو نوجواناں دے حقوق تے مستقبل دا تحفظ ریاست دی اہم ذمہ واری اے، نوجواناں کوں قومی ترقی اچ فعال کردار ݙیوݨ وقت دی لوڑھ اے۔ تعلیم تے ہنرمندی نوجواناں کوں بااختیار بݨاوݨ دی بنیادی بنیاداں ہن جڈانجو نوجواناں کیتے باعزت روزگار تے معاشی موقعے پیدا کرݨ ضروری اے۔ سینیٹر اعظم نذیر تارڑ آکھیا جو نوجوان تریمتیں کوں مساوی موقعے تے فیصلہ سازی اچ موثر کردار ݙیوݨ ہوسی، نوجواناں دی صلاحیتیاں کوں مثبت سمت ݙیوݨا قومی ترقی کیتے ضروری اے۔