اسلام آباد۔ 12 اگست (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال ایران دے سفیر رضا امیری مقدم ملاقات کیتی۔ دفترِ خارجہ موجب ایران دے سفیر نائب وزیرِاعظم کوں پاکستان تے ایران وچال اڄوکے اعلیٰ سطحی دوریں دے تبادلے دے بعد مختلف شعبیں اچ تعاون ودھاوݨ کیتے قائم ݙو طرفہ ادارہ جاتی نظام دے تحت تھیوݨ آلی پیش رفت دا ݙسایا۔نائب وزیرِاعظم ایران دے …
نائب وزیرِاعظم محمد اسحاق ڈار نال ایران دے سفیر رضا امیری مقدم دی ملاقات، خطے دی بدلدی صورتحال تے ڳالھ مہاڑ
اسلام آباد۔ 12 اگست (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار نال ایران دے سفیر رضا امیری مقدم ملاقات کیتی۔ دفترِ خارجہ موجب ایران دے سفیر نائب وزیرِاعظم کوں پاکستان تے ایران وچال اڄوکے اعلیٰ سطحی دوریں دے تبادلے دے بعد مختلف شعبیں اچ تعاون ودھاوݨ کیتے قائم ݙو طرفہ ادارہ جاتی نظام دے تحت تھیوݨ آلی پیش رفت دا ݙسایا۔نائب وزیرِاعظم ایران دے نال اہم ترجیحی شعبیں اچ رابطیں تے تعاون کوں مزید وسعت ݙیوݨ کیتے پاکستان دے عزم دا اعادہ کیتا۔ ݙوہیں پاسوں خطے دی بدلدی ہوئی صورتحال تے وی ڳالھ کیتی ڳئی۔ نائب وزیرِاعظم ایں ڳالھ تے زور ݙتا جو زیرِ التواء مسئلیں دے حل تے خطے اچ دیرپا امن، استحکام تے خوشحالی دے کیتے مکالمہ تے سفارت کاری ہی موثر ذریعے ہن
