نائب وزیرِاعظم محمد اسحاق ڈار دی دعوت تے ناروے دے وزیرِ خارجہ 13 توں 14 اگست تئیں پاکستان دا سرکاری دورہ کریسن، دفترِ خارجہ

اسلام آباد۔ 12 اگست (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار دی دعوت تے ناروے دے وزیرِ خارجہ ایسپن بارتھ ایدے 13 توں 14 اگست تئیں پاکستان دا سرکاری دورہ کریسن، اے ہک ݙھاکے دے بعد کہیں نارویجن وزیرِ خارجہ دا پاکستان دا پہلا دورہ ہوسی۔ دفترِ خارجہ موجب دورے دے دوران نائب وزیرِاعظم تے ناروے دے وزیرِ خارجہ وفد دی سطح تے مذاکرات کریسن جنھاں اچ پاکستان تے ناروے دے تعلقات دے سارے پہلواں دا احاطہ کیتا ویسے۔ݙوہیں فریق ݙو طرفہ تجارت تے سرمایہ کاری، موسمیاتی تبدیلی، قابلِ تجدید توانائی، تعلیم تے عوامی رابطیں دے شعبیں اچ تعاون کوں مزید وسعت ݙیوݨ دے طریقیں تے ڳالھ مہاڑ کریسن۔ او اہم علاقائی تے بین الاقوامی صورتحال تے وی ڳالھ کریسن۔اے دورہ ݙوہیں ملکاں وچال مسلسل اعلیٰ سطحی رابطیں دا تسلسل اے جنھاں اچ مارچ تے اپریل 2026ء اچ ݙوہیں وزرائے خارجہ وچال ٹیلی فونک ڳالھ مہاڑ تے مئی 2026ء اچ ناروے دے سٹیٹ سیکرٹری آندریاس موٹزفیلڈٹ کراوک دا اسلام آباد دا دورہ شامل ہن۔ اے دورہ پاکستان تے ناروے وچال پراݨے تے دوستانہ تعلقات کوں مزید تکڑا بݨاوݨ تے سانجھے مفاد تے مبنی تعاون دے نویں شعبیں کوں ڳولݨ دا موقع ݙیسی۔