وزیرِ داخلہ محسن نقوی دی سوراب اچ 18 دہشتگرداں دی ہلاکت تے سکیورٹی فورسز دی تعریف

اسلام آباد۔ 12 اگست(اے پی پی)وفاقی وزیرِ داخلہ محسن نقوی بلوچستان دے ضلع سوراب اچ ’فتنہ الہندوستان‘ دے 18 دہشت گرداں کوں ہلاک کرݨ تے سکیورٹی فورسز دیاں اعلیٰ پیشہ ورانہ صلاحیتیاں دی تعریف کیتی اے۔ وزیرِ داخلہ دہشتگرداں دے مذموم عزائم ویلھے تے ناکام ٻݨانوݨ تے فورسز کوں خراجِ تحسین پیش کریندے آکھیا جو فتنہ الہندوستان دے دہشتگرداں دے خلاف سکیورٹی فورسز دیاں کامیابیاں ماݨ دی ڳالھ ہین، فتنہ الہندوستان دے دہشتگرداں دے مکمل خاتمے تئیں سکیورٹی فورسز دیاں انٹیلی جنس بیسڈ کارروائیاں بلا تعطل جاری رہسن۔ وزیرِ داخلہ دہتگردی اچ شہید تھیوݨ آلے 3 شہریاں دے لواحقین نال وی ہمدردی کیتی اتے 2 زخمی سکیورٹی اہلکاراں دی تیکھے صحتیابی دی وی دعا کیتی۔