پاکستان دے 79ویں جشنِ آزادی دے موقعے تے وفاقی دارالحکومت اچ 31 تے صوبائی دارالحکومتاں اچ 21، 21 توپاں دی سلامی

اسلام آباد (اے پی پی) پاکستان دے 79ویں جشنِ آزادی دے موقعے تے وفاقی دارالحکومت اچ 31 تے صوبائی دارالحکومتاں اچ 21، 21 توپاں دی سلامی ݙتی ڳئی، جشنِ آزادی دے موقعے تے ملک بھر اچ یومِ آزادی دی تقریبات دا آغاز قومی جذبے تے جوش تے خروش نال تھیا، ملک بھر اچ ݙینہہ دا آغاز توپاں دی سلامی نال تھیا، توپاں دی سلامی دے دوران اسلام آباد دی فضا اللہ اکبر دے نعریاں نال گونج اٹھی۔ کراچی، لاہور، کوئٹہ، پشاور، گلگت بلتستان تے مظفرآباد آزاد جموں تے کشمیر اچ وی پاک فوج دے دستیاں قومی روایت دے مطابق توپاں دی سلامی پیش کیتی، توپاں دی گھن گرج آزادی دے ݙینہہ دی اہمیت کوں اجاگر کیتا اتے وطن نال محبت دے جذبات کوں ٻئی تقویت ݙتی۔