اسلام آباد (اے پی پی) چیئرمین پرائم منسٹر یوتھ پروگرام رانا مشہود احمد خاں پاکستان دی 80ویں یومِ آزادی تے قوم دے نام سنیھے اچ پوری قوم کوں پاکستان دے یومِ آزادی تے دلی مبارکباد پیش کریندیں ہوئیں اکھیا جو یومِ آزادی اساں کوں آپݨے بزرگاں دی عظیم قربانیاں تے جدوجہد کوں یاد کرݨ دا موقع فراہم کریندے۔ یوتھ افیئرز ونگ ولوں جاری بیان اچ رانا مشہود احمد خاں اکھیا …
چیئرمین پرائم منسٹر یوتھ پروگرام رانا مشہود احمد خاں دا پاکستان دی 80ویں یومِ آزادی تے قوم دے نام سنیھا
اسلام آباد (اے پی پی) چیئرمین پرائم منسٹر یوتھ پروگرام رانا مشہود احمد خاں پاکستان دی 80ویں یومِ آزادی تے قوم دے نام سنیھے اچ پوری قوم کوں پاکستان دے یومِ آزادی تے دلی مبارکباد پیش کریندیں ہوئیں اکھیا جو یومِ آزادی اساں کوں آپݨے بزرگاں دی عظیم قربانیاں تے جدوجہد کوں یاد کرݨ دا موقع فراہم کریندے۔ یوتھ افیئرز ونگ ولوں جاری بیان اچ رانا مشہود احمد خاں اکھیا جو پاکستان دا قیام قائدِ اعظم محمد علی جناحؒ دی بے مثال قیادت تے لکھاں مسلماناں دی قربانیاں دا ثمر اے، اے آزادی علامہ اقبال دے عظیم خواب دی تعبیر اے۔ انہاں اکھیا جو آزادی دی قدر کریندیں ہوئیں اساں کوں پاکستان دی ترقی، خوشحالی تے استحکام کیتے آپݨا کردار ادا کرݨا پوسی۔ چیئرمین پرائم منسٹر یوتھ پروگرام ٻیا اکھیا جو نوجوان پاکستان دا مستقبل اتے ملکی ترقی دے اصل معمار ہن، وزیرِ اعظم یوتھ پروگرام نوجواناں کوں تعلیم، ہنر، روزگار تے کاروبار دے مواقع فراہم کریندا پئے۔ رانا مشہود احمد خاں اکھیا جو قائدِ اعظمؒ دے اتحاد، ایمان تے نظم و ضبط دے اصولاں تے عمل کریندے ہوئے پاکستان کوں مضبوط بݨاوݨا پوسی، پاکستان دا روشن مستقبل باصلاحیت، تعلیم یافتہ تے ہنرمند نوجواناں نال وابستہ اے۔ رانا مشہود احمد خاں اکھیا جو آؤ آزادی کوں صرف مناؤں نہ بلکہ پاکستان کوں مضبوط، خوشحال تے عظیم بݨاوݨ دا عہد وی کروں۔ پاکستان ہمیشہ زندہ باد!
