اسلام آباد (اے پی پی) وفاقی سیکرٹری اطلاعات تے نشریات اشفاق احمد خلیل قوم کوں 80ویں یومِ آزادی دی مبارکباد ݙیندیں ہوئیں اکھیا جو اے موقع پاکستان دی تخلیق کیتے آباؤ اجداد دی قربانیاں دی یاد دہانی دا کم کریندے۔ جمعے کوں جاری آپݨے سنیھے اچ وفاقی سیکرٹری اطلاعات تے نشریات اکھیا جو گزشتہ سال پاکستان کیتے اہم رہیا، ملک اندرونی تے بیرونی ݙوہائیں محاذاں تے وݙیاں کامیابیاں حاصل کیتیاں۔ …
یومِ آزادی قربانیاں، کامیابیاں دی علامت اے: وفاقی سیکرٹری اطلاعات تے نشریات اشفاق احمد خلیل
اسلام آباد (اے پی پی) وفاقی سیکرٹری اطلاعات تے نشریات اشفاق احمد خلیل قوم کوں 80ویں یومِ آزادی دی مبارکباد ݙیندیں ہوئیں اکھیا جو اے موقع پاکستان دی تخلیق کیتے آباؤ اجداد دی قربانیاں دی یاد دہانی دا کم کریندے۔ جمعے کوں جاری آپݨے سنیھے اچ وفاقی سیکرٹری اطلاعات تے نشریات اکھیا جو گزشتہ سال پاکستان کیتے اہم رہیا، ملک اندرونی تے بیرونی ݙوہائیں محاذاں تے وݙیاں کامیابیاں حاصل کیتیاں۔ انہاں اکھیا جو بین الاقوامی فورمز تے پاکستان دی سفارتی شناخت مضبوط تھئی اے اتے ایں پیشرفت دی وجہ حکومت دی پالیسیاں ہن۔ انہاں اکھیا جو سفارتی طور تے پاکستان دے مثبت تشخص کوں وی فروغ حاصل تھیے اتے حکومت دی پالیسیاں ایں اچ اہم کردار ادا کیتے۔ سیکرٹری اطلاعات ایں ڳالھ تے زور ݙتا جو نوجواناں دے کول پاکستان دے مستقبل دی کنجی اے۔ انہاں نوجوان طبقے تے زور ݙتا جو ملک دی ترقی اچ فعال کردار ادا کرن۔ انہاں اکھیا جو حکومت نوجوان نسل کیتے مختلف اقدامات متعارف کرائن اتے امید ظاہر کیتی جو نوجوان انھاں مواقع توں فائدہ چیسن اتے قومی ترقی اچ بامعنی کردار ادا کریسن۔ اشفاق احمد خلیل آکھیا جو وزارتِ اطلاعات تے نشریات دی اے ذمہ ااری اے جو او عوام تئیں مستند معلومات دی بروقت فراہمی کوں یقینی بݨاوے۔ انہاں اکھیا جو جعلی خبراں تے غلط معلومات دے ودھدے ہوئے پھیلاؤ وچال ڈیجیٹل دور اچ اے ذمہ واری زیادہ اہم تھی ڳئی اے۔ انہاں ایں عزم دا اظہار کیتا جو وزارت لوکاں کوں معتبر تے حقائق تے مبنی معلومات فراہم کرݨ کیتے آپݨی کوششاں جاری رکھیسی۔
