اسلام آباد (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نال چین دے سفیر جیانگ زی ڈونگ جمعے کوں وزارتِ خارجہ اچ ملاقات کیتی۔ دفترِ خارجہ ولوں جاری بیان دے مطابق نائب وزیرِ اعظم گلگت بلتستان اچ براڈ پیک تے برفانی تودہ ݙہݨ دے واقعے دے نتیجے اچ چینی کوہ پیما دی المناک موت تے تعزیت دا اظہار کیتا اتے میت دی وطن واپسی کیتے …
نائب وزیرِ اعظم سینیٹر محمد اسحاق ڈار نال چین دے سفیر جیانگ زی ڈونگ دی ملاقات
اسلام آباد (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نال چین دے سفیر جیانگ زی ڈونگ جمعے کوں وزارتِ خارجہ اچ ملاقات کیتی۔ دفترِ خارجہ ولوں جاری بیان دے مطابق نائب وزیرِ اعظم گلگت بلتستان اچ براڈ پیک تے برفانی تودہ ݙہݨ دے واقعے دے نتیجے اچ چینی کوہ پیما دی المناک موت تے تعزیت دا اظہار کیتا اتے میت دی وطن واپسی کیتے مکمل سہولت فراہم کرݨ دی یقین دہانی کرائی۔ چین دے سفیر جیانگ زی ڈونگ واقعے دے بعد پاکستان ولوں فوری معاونت تے تعاون کوں سراہیا۔ ملاقات دے دوران علاقائی صورتحال تے آپسی دلچسپی دے ٻئے معاملیاں تے ڳالھ مہاڑ کیتی ڳئی۔ سفیر جیانگ زی ڈونگ یومِ آزادی دے موقعے تے پاکستان دے عوام تے قیادت کوں دلی مبارکباد پیش کریندیں ہوئیں ݙوہائیں ملکاں وچال قریبی تے آزمودہ تعلقات کوں اڳوں ودھاوݨ دی تجدید دے عزم دا اظہار کیتا۔
