بیجنگ (اے پی پی) اسلامی جمہوریہ پاکستان دے یومِ آزادی دی 79ویں سالگنڈھ دے پرمسرت موقع تے بیجنگ وچ پاکستانی سفارتخانے اتھاں چینسری وچ پرچم کشائی دی ہک پروقار تقریب دا انعقاد کیتا۔ ناظم الامور اعزاز خان قومی ترانے دی دھن تے قومی پرچم لہرایا۔ ایں موقع تے صدرِ مملکت تے وزیرِاعظم پاکستان دے تہنیتی پیغامات پڑھ تے سݨائے ڳئے جنہاں وچ قائدِ اعظم محمد علی جناح دی وژنری قیادت …
بیجنگ ، پاکستانی سفارتخانے وچ 80ویں یومِ آزادی دی تقریب
بیجنگ (اے پی پی) اسلامی جمہوریہ پاکستان دے یومِ آزادی دی 79ویں سالگنڈھ دے پرمسرت موقع تے بیجنگ وچ پاکستانی سفارتخانے اتھاں چینسری وچ پرچم کشائی دی ہک پروقار تقریب دا انعقاد کیتا۔ ناظم الامور اعزاز خان قومی ترانے دی دھن تے قومی پرچم لہرایا۔ ایں موقع تے صدرِ مملکت تے وزیرِاعظم پاکستان دے تہنیتی پیغامات پڑھ تے سݨائے ڳئے جنہاں وچ قائدِ اعظم محمد علی جناح دی وژنری قیادت وچ جدوجہدِ آزادی دے دوران ݙتی ڳئی قربانیاں کوں زبردست خراجِ تحسین پیش کیتا ڳیا۔ انہاں ہک مضبوط، ترقی پسند تے خوشحال پاکستان دے پاسے اجتماعی سفر وچ اتحاد، استقامت تے قومی نظریات نال وابستگی دے اصولاں کوں برقرار رکھݨ تے وی زور ݙتا۔ اپݨے خطاب وچ ناظم الامور اعزاز خان چین وچ پاکستانی کمیونٹی کوں پرتپاک مبارخ ݙتی۔ انہاں ایں ڳالھ تے روشنی سٹی جو پاکستان تے چین اپݨے سفارتی تعلقات دے قیام دی 75ویں سالگنڈھ منیندے پئن جیڑھی جو گھاٹی یاری تے اعتماد وچ جڑئے ہوئن۔ انہاں قومی ترقی وچ کردار ادا کرݨ تے عوام توں عوام دے تبادلیں دے ذریعے ݙو طرفہ تعلقات کوں مزید تکڑا بݨاوݨ وچ پاکستانی تارکینِ وطن دے تعمیری کردار دی وی تعریف کیتی ۔ تقریب وچ قائدِ اعظم محمد علی جناح دی زندگی دے مختلف پہلواں کوں پیش کرݨ آلی تصویری نمائش دا وی اہتمام کیتا ڳیا۔ پاکستان ایمبیسی کالج بیجنگ دے طلباء وی ایں موقع تے پرفارمنس پیش کریندے ثابت قدمی، استقامت تے محنت دا پیغام ݙتا۔ تقریب وچ سفارتخانے دے حکام، پاکستانی کمیونٹی دے ارکان تے انہاں دے اہل خانہ دے علاوہ چینی میڈیا، دانشوراں تے سول سوسائٹی دے ارکان وی شرکت کیتی۔
