زور دے مینھ پاروں پنجاب دے دریاواں وچ پاݨی دا ودھارا ریکارڈ کیتا ویندا پئے، پی ڈی ایم اے

لاہور۔21اگست (اے پی پی)زور دے مینھ پاروں پنجاب دے دریاواں وچ پاݨی اچ ودھارا ریکارڈ کیتا ویندا پئے، دریائے سندھ وچ کالاباغ دی جاہ تے درمیانے درجے دی چھل دی صورتحال اے۔ ترجمان پی ڈی ایم اے موجب کالاباغ وچ پاݨی دا آوݨ 4 لکھ 25 ہزار تے اخراج 4 لکھ 16 ہزار کیوسِک اے، دریائے سندھ وچ تربیلا، چشمہ تے تونسہ دی جاہ تے تلویں درجے دی چھل اے۔ انہاں آکھیا جو دریائے چناب، جہلم، راوی تے ستلج وچ پاݨی دا وہݨ نارمل سطح تے ہے، دیرہ غازی خان رودکوہیاں وچ وی پاݨی دا وہݨ معمول تے اے جݙاں جو نالہ پلکھو وزیرآباد دی جاہ تے اُتلے درجے دی چھل دی صورت حال اے۔ نارووال نالہ بسنتر تے تلویں درجے دی چھل اے ۔ ترجمان ݙسیا جو تربیلا ڈیم 100 فیصد تے منگلا ڈیم 72 فیصد بھرچکئن، مینھ دا چھیواں سپیل 21 اگست تئیں جاری راہسی، شہریاں توں التجا اے جو او موسم تے چھل دی صورتحال کوں ݙیکھدے ہوئیں احتیاط ورتن۔