محکمہِ موسمیات دی ویک اینڈ تے اُتلے تے وسطی علاقیں وچ زور دی ہوا گھلݨ تے کھمݨ گاجاں نال مزید مینھ وسݨ دی پیش گوئی

اسلام آباد۔21اگست (اے پی پی) محکمہِ موسمیات ویک اینڈ تے اُتلے تے وسطی علاقیں وچ زور دی ہوا گھلݨ تے کھمݨ گاجاں نال مزید مینھ وسݨ دی پیش گوئی کیتی اے۔ محکمہِ موسمیات موجب ساوݨ ہوائیں دا سلسلہ مسلسل ملک دے اُتلے تے وسطی علاقیں وچ داخل تھیندا پئے۔مغربی ہوائیں دا سلسلہ وی ملک دے اُتلے علاقیں تے موجود اے۔ایں موسمی نظام دے زیرِ اثر کشمیر وچ 21 اگست (رات) توں 23 اگست تئیں وادیِ نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر تے میرپور وچ وقفے وقفے نال تکھی ہوا تے کھمݨ گاجاں نال مینھ وسݨ دا امکان اے ایں دوران کجھ جہیں تے زور دا مینھ وس سڳدے ۔ خیبر پختونخوا وچ 21 اگست (شام/رات) توں 23 اگست دے دوران دیر، چترال، سوات، کوہستان، ملاکنڈ، نوشہرہ، چارسدہ، صوابی، شانگلہ، بٹگرام، بونیر، کوہاٹ، ہنگو، کرم، باجوڑ، مہمند، خیبر، اورکزئی، مانسہرہ، ایبٹ آباد، ہری پور، پشاور، مردان، کرک، ٹانک، لکی مروت، دیرہ اسماعیل خان، بنوں تے وزیرستان وچ وقفے وقفے نال تکھی ہوا تے کھمݨ گاجاں نال مینھ وسݨ دا امکان اےایں دوران کجھ جہیں تے زور دا مینھ وُٹھسی۔ اسلام آباد/اُتلے پنجاب وچ 21 اگست (شام/رات) توں 23 اگست (سویل) دے دوران اسلام آباد، راولپنڈی، مری، گلیات، جہلم، چکوال، تلہ گنگ، اٹک، سیالکوٹ، نارووال، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، قصور، اوکاڑہ، شیخوپورہ تے ننکانہ صاحب وچ وقفے وقفے نال تکھی ہوا تے کھمݨ گاجاں نال مینھ وسݨ دا امکان اے ایں دوران کجھ جہیں تے زور دا مینھ وسݨ دا امکان اے ۔ 22 اگست دے ݙینھ سرگودھا، خوشاب، میانوالی، نورپور، فیصل آباد، جھنگ، ٹوبہ ٹیک سنگھ، لیہ، بھکر، ساہیوال، پاکپتن تے دیرہ غازی خان وچ زور دی ہوا تے کھمݨ گاجاں نال مینھ وسݨ دا امکان اے ۔ گلگت بلتستان وچ 21 اگست (شام/رات) توں 23 اگست دے دوران دیامر، استور، غذر، سکردو، ہنزہ، گلگت، گھانچے تے شگر وچ وقفے وقفے نال زور دے ہوا تے کھمݨ گاجاں نال مینھ وسݨ دا امکان اے۔ سندھ/بلوچستان: صوبے دے زیادہ تر ضلعیں وچ موسم گرم تے مرطوب رہݨ دا امکان اے تاں جو 21 اگست (شام/رات) تے 22 اگست دے دوران موسیٰ خیل، بارکھان، ژوب، قلات تے خضدار وچ زور دی ہوا نال تے کھمݨ گاجاں نال مینھ وسݨ دا امکان اے ۔ ممکنہ اثرات تے احتیاطی تدابیر دے تحت زور دے مینھ پاروں ویک اینڈ دے دوران اسلام آباد/راولپنڈی، مردان، صوابی، گوجرانوالہ، گجرات، سیالکوٹ تے لاہور وچ نشیبی علاقیں وچ اربن فلڈنگ دا ݙراے۔ خیبر پختونخوا دے پہاڑی علاقیں، گلگت بلتستان، مری، گلیات تے کشمیر وچ لینڈ سلائیڈنگ دا ݙراے۔ زور دے مینھ پاروں کشمیر، مری، گلیات، اسلام آباد تے راولپنڈی دے مقامی ندی نالیں وچ فلیش فلڈنگ دا ݙر وی ہے ۔ سیاح تے مسافر حضرات موسمی پیشگوئی دے دوران احتیاط ورتن تے غیر ضروری سفر نہ کرن ۔ کسان حضرات موسمی حالات کوں سامݨے رکھ تے آپݨی زرعی سرگرمیاں دی منصوبہ بندی کرن تے مال ڈھور دی حفاظت دا وی خصوصی خیال رکھن۔ سارے متعلقہ اداریں کوں الرٹ رہݨ تے کہیں ناخوشگوار واقعے توں بچݨ کیتے سارے ضروری اقدامات کرݨ دی ہدایت کیتی ویندی اے۔