اسلام آباد۔24اگست (اے پی پی) نائب وزیراعظم و وزیرِ خارجہ سینیٹر محمد اسحاق ڈار لندن وچ انٹرنیشنل میری ٹائم آرگنائزیشن (آئی ایم او) دے سیکریٹری جنرل ارسینیو ڈومنگیز نال ملاقات کیتی۔وزارتِ خارجہ توں جاری بیان موجب نائب وزیراعظم و وزیرِ خارجہ آئی ایم او دے نال پاکستان دے پراݨے عزم دا اعادہ کیتا تے محفوظ، مامون تے موثر بین الاقوامی بحری جہاز رانی کیتے مرکزی بین الاقوامی ضابطہ ساز …
نائب وزیراعظم اسحاق ڈار دی لندن وچ انٹرنیشنل میری ٹائم آرگنائزیشن دے سیکریٹری جنرل ارسینیو ڈومنگیز نال ملاقات
اسلام آباد۔24اگست (اے پی پی) نائب وزیراعظم و وزیرِ خارجہ سینیٹر محمد اسحاق ڈار لندن وچ انٹرنیشنل میری ٹائم آرگنائزیشن (آئی ایم او) دے سیکریٹری جنرل ارسینیو ڈومنگیز نال ملاقات کیتی۔وزارتِ خارجہ توں جاری بیان موجب نائب وزیراعظم و وزیرِ خارجہ آئی ایم او دے نال پاکستان دے پراݨے عزم دا اعادہ کیتا تے محفوظ، مامون تے موثر بین الاقوامی بحری جہاز رانی کیتے مرکزی بین الاقوامی ضابطہ ساز ادارے دی حیثیت نال آئی ایم او دے کردار دی تعریف کیتی۔ نائب وزیراعظم و وزیرِ خارجہ ایم ٹی آنر 25 تے یرغمال بݨائے ڳئے 10 پاکستانی بحری کارکناں دی بحفاظت رہائی کیتے جاری کوششاں وچ سیکریٹری جنرل دی حمایت تے انہاں دا شکریہ ادا کیتا۔ انہاں سارے بحری کارکناں دی تکھے وطن واپسی کیتے فوری تے موثر ادارہ جاتی مداخلت تے زور ݙتا۔ نائب وزیراعظم و وزیرِ خارجہ بحری امور دی حکمرانی کوں مضبوط بݨاوݨ، بین الاقوامی بحری معیارات تے عملدرآمد تے پاکستان دی بلیو اکانومی کوں مزید ودھارا ݙیوݨ کیتے پاکستان دیاں مسلسل کوششاں کوں اجاگر کیتا۔ ݙوہیں رہنماواں بحری سلامتی و تحفظ، ضابطہ جاتی اصلاحات تے پاکستان دے بحری شعبے دی ترقی سودھے مختلف شعبیں وچ پاکستان تے آئی ایم او وچال درمیان تعاون کوں مزید مضبوط بݨاوݨ تے وی تبادلہِ خیال کیتا۔
