اسلام آباد۔24اگست (اے پی پی) وفاقی وزیرقانون و انصاف سینیٹر اعظم نذیر تارڑ نال بنگلہ دیشی ہائی کمشنر محمد اقبال حسین ملاقات کیتی جیں وچ پاک-بنگلہ دیش تعلقات، قانونی اصلاحات تے نظامِ انصاف دی ڈیجیٹلائزیشن سودھےسانجھی دلچسپی دے امور تے ڳالھ مہاڑ کیتی ۔ ملاقات وچ ݙوہیں طرفوں پاک-بنگلہ دیش تعلقات وچ مثبت پیشرفت تے اطمینان دا اظہار کریندے ݙوطرفہ رابطے مزید تکڑے بݨاوݨ دی لوڑھ تے اتفاق کیتا …
وفاقی وزیرِ قانون اعظم نذیر تارڑ نال بنگلہ دیشی ہائی کمشنر دی ملاقات، قانونی اصلاحات تے ڈیجیٹلائزیشن تے تبادلہِ خیال
اسلام آباد۔24اگست (اے پی پی) وفاقی وزیرقانون و انصاف سینیٹر اعظم نذیر تارڑ نال بنگلہ دیشی ہائی کمشنر محمد اقبال حسین ملاقات کیتی جیں وچ پاک-بنگلہ دیش تعلقات، قانونی اصلاحات تے نظامِ انصاف دی ڈیجیٹلائزیشن سودھےسانجھی دلچسپی دے امور تے ڳالھ مہاڑ کیتی ۔ ملاقات وچ ݙوہیں طرفوں پاک-بنگلہ دیش تعلقات وچ مثبت پیشرفت تے اطمینان دا اظہار کریندے ݙوطرفہ رابطے مزید تکڑے بݨاوݨ دی لوڑھ تے اتفاق کیتا ڳیا۔وفاقی وزیرآکھیا جو قانون و انصاف سودھے مختلف شعبیں وچ پاکستان تے بنگلہ دیش دے وچال تعاون دے وسیع امکانات موجود ہن، پاکستان قانونی اصلاحات تے نظامِ انصاف دی ڈیجیٹلائزیشن وچ بنگلہ دیش دے نال آپݨے تجربات شیئر کرݨ کیتے تیارہے۔ انہاں آکھیا جو قانونی اصلاحات، جدید ٹیکنالوجی تے ڈیجیٹلائزیشن دے شعبیں وچ سانجھے تجربیں توں فیدہ کیتا ونڄ سڳدے جݙاں جو قانونی و عدالتی شعبے وچ ݙوہیں ملک وچال تعاون مزید ودھاوݨ دی لوڑھ اے۔بنگلہ دیشی ہائی کمشنر بنگلہ دیشی ججز دی آئی ایم اے سی وچ تربیت تے پاکستان دا شکریہ ادا کیتا تے وزارتِ قانون و انصاف دے ثالثی و مصالحتی پروگرامزدی تعریف کیتی۔ ہائی کمشنر پاکستان دے ثالثی و مصالحتی نظام دے تجربیں توں چیدہ چاوݨ وچ بنگلہ دیش دی دلچسپی دا اظہار کریندے ایں شعبے وچ مزید تعاون دی خواہش ظاہر کیتی۔پاک-بنگلہ دیش تعلقات تعاون کوں مزید مستحکم بݨاوݨ دا عزم کیتا ڳئے۔
