راولپنڈی۔24 اگست (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر ایران دے دورے تے تہران پڄ ڳئن۔ ایرانی میڈیا دے مطابق ایرانی وزیرِ داخلہ سکندر مومنی فیلڈ مارشل عاصم منیر اتے وزیرِ داخلہ محسن نقوی دا استقبال کیتے، ایں توں بعد تفصیلی ملاقات وی تھئی۔ پاک فوج دے شعبہ تعلقاتِ عامہ (آئی ایس پی آر) دے مطابق چیف آف ڈیفنس فورسز، …
چیف آف ڈیفنس فورسز فیلڈ مارشل سید عاصم منیر ایران دے دورے تے تہران پڄ ڳئن
مزید خبراں
راولپنڈی۔24 اگست (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر ایران دے دورے تے تہران پڄ ڳئن۔ ایرانی میڈیا دے مطابق ایرانی وزیرِ داخلہ سکندر مومنی فیلڈ مارشل عاصم منیر اتے وزیرِ داخلہ محسن نقوی دا استقبال کیتے، ایں توں بعد تفصیلی ملاقات وی تھئی۔ پاک فوج دے شعبہ تعلقاتِ عامہ (آئی ایس پی آر) دے مطابق چیف آف ڈیفنس فورسز، فیلڈ مارشل عاصم منیر ایران دے دورے تے پڄین جتھاں وزیرِ داخلہ محسن نقوی وی فیلڈ مارشل دے نال ہین۔ آئی ایس پی آر دے مطابق اے دورہ خطے اچ امن اتے استحکام ودھاوݨ کیتے پاکستانی کوششاں دا حصہ اے، پاکستان مشرقِ وسطیٰ اچ دیرپا امن اتے استحکام چاہندے۔ آئی ایس پی آر دا آکھݨ اے جو فیلڈ مارشل سید عاصم منیر ایران اچ تنازع دے پرامن حل کیتے کوششاں تے توجہ ݙیسن۔ ݙوجھے پاسو ترجمان ایرانی وزارتِ خارجہ اسماعیل بقائی آکھیے جو پاکستان خطے اچ کشیدگی مکاوݨ کیتے کوششاں کریندا پئے، فیلڈ مارشل دے دورے اچ ݙوطرفہ تعلقات اتے سکیورٹی امور تے ڳالھ مہاڑ کیتی ویسی۔
