سانحہ پمز اچ جاں بحق نشوم ٻالاں دے والدین کوں وزیرِاعظم دی ہدایت تے 50، 50 لکھ روپے دے امدادی چیک ݙتے ڳئن، ڈاکٹر طارق فضل چوہدری

اسلام آباد۔28اگست (اے پی پی) وفاقی وزیرِ پارلیمانی امورڈاکٹر طارق فضل چوہدری آکھیے جو سانحہ پمزاچ جاں بحق نشوم ٻالاں دے والدین کوں وزیرِاعظم دی ہدایت تے 50، 50 لکھ روپے دے امدادی چیک ݙتے ڳئن، تاں جو اے مالی امداد کہیں صورت والدین دے ناقابلِ تلافی نقصان دی قیمت یا ازالہ نی تھی سڳدی۔ سماجی رابطہ دی ویب سائٹ ایکس تے آپݨے ہک بیان اچ انہاں آکھیا جو وزیرِاعظم شہباز شریف دی ہدایت تے اڄ سانحہ پمز اچ جاں بحق ٻالاں دے والدین دے گھراں تے ڳیاں۔ انہاں آکھیا جو اولاد دے ݙکھ دا مداوا نہ لفظاں اچ ممکن اے تے نہ ہی ایں نقصان دا کوئی ازالہ تھی سڳدے، اولاد ونڄاوݨ دا ݙکھ ایہو جھیا ݙکھ اے جو والدین دے نال عمر بھررہندے۔ انہاں آکھیا جو سانحہ پمزاچ نشوم پھل تے کلیاں دے وچھڑݨ دا درد کہیں صورت گھٹ نی کیتا ونڄ سڳدا، اے نشوم ٻال آپݨے والدین دی امید تے روشن مستقبل ہن، اِنھاں دا وچھڑݨ ناقابلِ تلافی سانحہ اے۔ مالی امداد ݙکھی خانداناں دے نال حکومت دی طرفوں اظہارِ یکجہتی دی ہک ادنیٰ جیھی کوشش اے۔ ہک وار ول واضح کریندوں جو سانحہ پمز اچ جیں دی وی کوتاہی ثابت تھئی ایں کوں قرار واقعی سزا ݙتی ویسی، اللہ تعالیٰ اساکوں ایہو جیھاں آزمائشاں تے سانحات توں محفوظ رکھے۔