اسلام آباد۔ 28 اگست(اے پی پی) قومی اسمبلی پمز اچ ٻھا لڳݨ دے افسوسناک واقعے اچ معصوم ٻالاں دے جاں بحق تھیوݨ تے افسوس کریندے قرارداد متفقہ طور تے منظور کر گھدی۔ قرارداد اچ افسوسناک واقعے دی شدید مذمت کریندے ہوئیں قیمتی انسانی جاناں دے ضیان دی وجہ ڳولݨ اتے اڄوکے حالات تے ݙاݙھا چنتا کیتا ڳئے۔ اے قرارداد ایوان اچ رکن قومی اسمبلی، پارلیمانی سیکرٹری برائے اطلاعات و نشریات …
پمز اچ ٻھا لڳݨ دا واقعہ، قومی اسمبلی اچ معصوم ٻالاں دی اموات تے افسوس دی قرارداد منظور
اسلام آباد۔ 28 اگست(اے پی پی) قومی اسمبلی پمز اچ ٻھا لڳݨ دے افسوسناک واقعے اچ معصوم ٻالاں دے جاں بحق تھیوݨ تے افسوس کریندے قرارداد متفقہ طور تے منظور کر گھدی۔ قرارداد اچ افسوسناک واقعے دی شدید مذمت کریندے ہوئیں قیمتی انسانی جاناں دے ضیان دی وجہ ڳولݨ اتے اڄوکے حالات تے ݙاݙھا چنتا کیتا ڳئے۔ اے قرارداد ایوان اچ رکن قومی اسمبلی، پارلیمانی سیکرٹری برائے اطلاعات و نشریات اتے وفاقی رابطہ کار برائے پارلیمانی کاکس برائے حقوقِ اطفال دانیال چوہدری پیش کیتی۔ ایوان آکھیا ڄیکر ایں المناک واقعے اچ کوئی کوتاہی ثابت تھئی تاں اے ہک ݙاݙھا سنگین معاملہ اے، حکومت واقعے دے ذمہ داراں دے خلاف قانون دے مطابق سخت کارروائی کرے، اتے سارے حقائق سامݨے ڳھن آوے۔ ایوان آکھیے جو ڄتھاں غفلت یا مقررہ حفاظتی تدابیر تے عملدرآمد نہ تھیوݨ پاروں معصوم جاناں دا ضیان تھیا ہووے، اتھاں ذمہ داراں دا احتساب یقینی ٻݨایا ونڄے۔ ایوان حکومت توں مطالبہ کیتے جو وفاقی حکومت دے زیرِ انتظام ہسپتالاں بالخصوص نومولود اتے ٻالاں دے یونٹس اچ فائر سیفٹی پروٹوکولز اتے ہنگامی صورتحال نال نمٹݨ کیتے مؤثر انتظامات تے سختی نال عملدرآمد یقینی بݨایا ونڄے تاں جو حفاظتی انتظامات کوں ودھ مؤثر بݨایا ونڄ سڳے اتے اڳو تے اینڄھے المناک واقعات نا تھیون۔ ایوان جاں بحق تھیوݨ والے نومولود ٻالاں دے لواحقین نال دلی ہمدردی کریندے پرچاوݨی ݙتی اتے دعا کیتی جو اللہ تعالیٰ انہاں کوں اے چوڑھا سہݨ دا صبر اتے حوصلہ ݙیوے۔
