چیف آف آرمی سٹاف سید عاصم منیر دا پاکستان دے سب توں وݙے دفاعی صنعتی کمپلیکس، پاکستان آرڈیننس فیکٹری واہ دا دورہ

راولپنڈی۔29 اگست(اے پی پی)چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر نشانِ امتیاز (ملٹری) ہلالِ جرأت واہ اچ پاکستان دے سب توں وݙے دفاعی صنعتی کمپلیکس، پاکستان آرڈیننس فیکٹری (پی او ایف) دا دورہ کیتے۔ پاکستان فوج دے شعبہ تعلقاتِ عامہ (آئی ایس پی آر) موجب چیف آف ڈیفنس فورسز پی او ایف دی پیداواری، برآمدی صلاحیت اتے ملک دے دفاع اچ صنعت دے کردار دی شراکت دا جائزہ ڳھدا۔

ایں موقع تے چیف آف آرمی سٹاف اتے چیف آف ڈیفنس فورسز کوں پی او ایف دے آپریشنز دے مختلف پہلوواں اتے مختلف قسماں دے فوجی سازوسامان دی مقامی سطح تے ترقی اتے پیداوار نال قومی دفاع کوں مضبوط ٻݨاوݨ سانڳے کردار تے بریفنگ ݙتی ڳئی۔ انہاں مقامی طور تے ٻݨیا اسلحہ اتے گولہ بارود دے ٹیسٹ اتے ٹرائلز وی ݙٹھے۔ آرمی چیف پاکستان آرڈیننس فیکٹری دی جدت، خود انحصاری اتے پاکستان دی دفاعی پیداواری صلاحیتیاں اچ ودھارے دا عزم دوہرایا۔ چیف آف آرمی سٹاف و چیف آف ڈیفنس فورسز کوں ڈی آئی پی آر اے آرڈیننس دے نفاذ توں بعد کارپوریٹائزیشن دے عمل دی پیش رفت دا وہ ݙسایا ڳیا۔ فیلڈ مارشل کوں ݙو نویں صنعتی پلانٹس دی تنصیب نال مقامی سطح تے مصنوعات دی تیاری اتے اپ

گریڈیشن دا وی ݙسایا ڳیا، جنھاں دی پیداوار ایں سال دے آخر تئیں شروع تھیوݨ دی توقع اے۔ آئی ایس پی آر آکھیے جو چیف آف ڈیفنس فورسز دا اے دورہ پاکستان دے دفاعی شعبے اچ خود انحصاری، مقامی پیداوار اتے تکنیکی جدت ودھاوݨ سانڳے پاک فوج دے عزم کوں اڳونہا کریندے۔