بشکیک۔1ستمبر (اے پی پی) شنگھائی تعاون تنظیم دا سربراہ اجلاس کرغزستان دے دارالحکومت بشکیک اچ شروع تھی ڳیا۔ منگل کوں سربراہ اجلاس اچ شرکت کیتے مرکزی ہال اچ آوݨ تے وزیرِ اعظم محمد شہباز شریف دا کرغزستان دے صدر صادر ژاپاروف گرمجوشی نال استقبال کیتا۔ اجلاس اچ وزیرِ اعظم محمد شہباز شریف پاکستان دی نمائندگی کریندے پئن، اجلاس توں پہلے رکن ملکاں دے رہنماواں دا گروپ فوٹو تھیا۔ اجلاس اچ …
شنگھائی تعاون تنظیم دا سربراہ اجلاس کرغزستان دے دارالحکومت بشکیک اچ شروع تھی ڳیا، پاکستان ایس سی او سربراہانِ مملکت دی کونسل دی صدارت سنبھلیسی
بشکیک۔1ستمبر (اے پی پی) شنگھائی تعاون تنظیم دا سربراہ اجلاس کرغزستان دے دارالحکومت بشکیک اچ شروع تھی ڳیا۔ منگل کوں سربراہ اجلاس اچ شرکت کیتے مرکزی ہال اچ آوݨ تے وزیرِ اعظم محمد شہباز شریف دا کرغزستان دے صدر صادر ژاپاروف گرمجوشی نال استقبال کیتا۔ اجلاس اچ وزیرِ اعظم محمد شہباز شریف پاکستان دی نمائندگی کریندے پئن، اجلاس توں پہلے رکن ملکاں دے رہنماواں دا گروپ فوٹو تھیا۔ اجلاس اچ پاکستان 2026-27ء کیتے شنگھائی تعاون تنظیم دی سربراہانِ مملکت دی کونسل دی صدارت سنبھلیسی۔ وزیرِ اعظم محمد شہباز شریف شنگھائی تعاون تنظیم دے سربراہ اجلاس توں خطاب کریسن اتے علاقائی تے عالمی امور تے پاکستان دا موقف پیش کریسن۔ وزیرِ اعظم ایس سی او پلس سربراہ اجلاس اچ وی شرکت کرسن۔ وزیرِ اعظم شنگھائی تعاون تنظیم دے اجلاس اچ شرکت کرݨ آلے مختلف ملکاں دے رہنمائاں نال ݙوپاسہ ملاقاتاں وی کرسن۔ ملاقاتاں اچ آپسی تعلقات، تجارت تے سرمایہ کاری، علاقائی تعاون تے آپسی دلچسپی دے ٻیاں معاملیاں تے ڳالھ کیتی ویسی۔ وزیرِ اعظم کرغزستان دے صدر صادر ژاپاروف نال ݙوپاسہ ملاقات کریسن، ملاقات اچ پاکستان تے کرغزستان وچال ݙوپاسہ تعلقات دے سارے پہلوواں دا جائزہ گھدا ویسی۔
