بشکیک۔2ستمبر(اے پی پی) وزیراعظم محمد شہباز شریف کرغزستان دے صدر صادر ژاپاروف دے رَلے بشکیک اچ آلا آرچا نیشنل پارک دا دورہ کیتا۔ وزیراعظم دفتردے میڈیا وِنگ توں جاری بیان موجب صدر صادر ژاپاروف تے وزیراعظم محمد شہباز شریف دا آلا آرچا نیشنل پارک آوݨ تے خیرمقدم کیتا ڳئے تے انہاں کوں کرغزستان دی ثقافت تے روایات بارے ݙسایا ڳئے۔ دورے دے دوران وزیراعظم کوں کرغزثقافت تے ایں نال منسلک …
وزیراعظم محمد شہباز شریف دا کرغزستان دے صدر صادر ژاپاروف دے رَلے بشکیک اچ آلا آرچا نیشنل پارک دا دورہ
بشکیک۔2ستمبر(اے پی پی) وزیراعظم محمد شہباز شریف کرغزستان دے صدر صادر ژاپاروف دے رَلے بشکیک اچ آلا آرچا نیشنل پارک دا دورہ کیتا۔ وزیراعظم دفتردے میڈیا وِنگ توں جاری بیان موجب صدر صادر ژاپاروف تے وزیراعظم محمد شہباز شریف دا آلا آرچا نیشنل پارک آوݨ تے خیرمقدم کیتا ڳئے تے انہاں کوں کرغزستان دی ثقافت تے روایات بارے ݙسایا ڳئے۔ دورے دے دوران وزیراعظم کوں کرغزثقافت تے ایں نال منسلک مختلف روایتی سرگرمیاں، ثقافتی رقص تے ٻئے روایتی فنون دا مظاہرہ پیش کیتا ڳیا۔ وزیراعظم محمد شہباز شریف کرغزعوام دی شاندار ثقافتی روایات تے صدیاں تے محیط ورثے اچ گھاٹی دلچسپی ڳھدی ۔ وزیراعظم روایتی گھڑ سواری، عقاباں دے ذریعے شکار تے ٻیاں ثقافتی سرگرمیاں دا مشاہدہ کیتا۔ وزیراعظم کرغزستان دی ثقافتی روایات کوں قابلِ تحسین قرار ݙیندے ݙوہیں ملکاں دے عوام وچال تاریخی، ثقافتی تے برادرانہ تعلقات کوں ٻیا تکڑا بݨاوݨ دی اہمیت تے زور ݙتا۔
