حکومت نوجواناں کوں جدید تعلیم، ہنر، روزگار تے کاروبار دے موقع فراہم کرݨ کیتے سارے ممکنہ وسائل لیندی پئی اے، وزیر اعظم شہباز شریف

اسلام آباد۔ 03 ستمبر (اے پی پی) وزیر اعظم محمد شہباز شریف آکھیا جو نوجوان اساݙا سب توں قیمتی اثاثہ اتے پاکستان دے روشن مستقبل دی ضمانت ہن، حکومت نوجواناں کوں جدید تعلیم، ہنر، روزگار تے کاروبار دے موقع فراہم کرݨ کیتے سارے ممکنہ وسائل لیندی پئی اے۔ خمیس کوں وزیر اعظم آفس دے میڈیا ونگ توں جاری بیان دے مطابق اے ڳالھیں انہاں چیئرمین وزیر اعظم یوتھ پروگرام رانا مشہود احمد خاں نال ڳالھ مہاڑ کریندیں ہوئیں آکھی۔ رانا مشہود احمد خاں اج وزیر اعظم کوں وزیر اعظم یوتھ پروگرام دے تحت جاری اقدامات، منصوبیاں تے مستقبل دے لائحہ عمل تے تفصیلی بریفنگ ݙتی۔ وزیر اعظم نوجواناں کوں جدید تعلیم و تربیت تے مارکیٹ دی ضرورتاں نال ہم آہنگ ہنر فراہم کرݨ، ڈیجیٹل معیشت اچ انہاں کیتے نویں موقع پیدا کرݨ، روزگار تے کاروبار دے موقع ودھاوݨ سمیت وزیر اعظم یوتھ پروگرام دے مختلف منصوبیاں تے پیش رفت دا جائزہ گھدا۔ ملاقات اچ وزیر اعظم یوتھ پروگرام دے تحت جاری تعلیمی، ہنرمندی، ڈیجیٹل تے فلاحی پروگراماں دے دائرہ کار کوں ٻیا وسعت ݙیوݨ تے انہاں دے موثر تے شفاف نفاذ تے وی ڳالھ مہاڑ تھئی۔ وزیر اعظم آکھیا جو نوجوان اساݙا سب توں قیمتی اثاثہ اتے پاکستان دے روشن مستقبل دی ضمانت ہن، حکومت نوجواناں کوں جدید تعلیم، ہنر، روزگار تے کاروبار دے موقع فراہم کرݨ کیتے تمام ممکنہ وسائل لیندی پئی اے۔ وزیر اعظم ہدایت کیتی جو وزیر اعظم یوتھ پروگرام دے تحت جاری منصوبیاں کوں ٻیا موثر، نتیجہ خیز تے نوجواناں دی حقیقی ضرورتاں نال ہم آہنگ بݨایا ونڄے ڄݙاں جو ترجیحی منصوبیاں تے عملدرآمد دی رفتار ٻئی تیز کیتی ونڄے۔