اسلام آباد۔ 07 ستمبر (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیا جو 6 ستمبر 1965ء توں 6 ستمبر 2026ء تئیں دنیا مکمل طور تے بدل ڳئی اے، اج دفاع دا تصور صرف ٹینکاں، توپاں تے روایتی ہتھیاراں تائیں محدود نئی رہ ڳیا ٻلکہ مصنوعی ذہانت (AI)، جدت تے جدید ٹیکنالوجی دفاع دے اہم تے طاقتور محاذ بݨ ڳئے۔ یومِ فضائیہ دے …
جدید ٹیکنالوجی تے مصنوعی ذہانت نویں دفاعی محاذ ہن، احسن اقبال
اسلام آباد۔ 07 ستمبر (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیا جو 6 ستمبر 1965ء توں 6 ستمبر 2026ء تئیں دنیا مکمل طور تے بدل ڳئی اے، اج دفاع دا تصور صرف ٹینکاں، توپاں تے روایتی ہتھیاراں تائیں محدود نئی رہ ڳیا ٻلکہ مصنوعی ذہانت (AI)، جدت تے جدید ٹیکنالوجی دفاع دے اہم تے طاقتور محاذ بݨ ڳئے۔ یومِ فضائیہ دے موقع تے آپݨے سنیھے اچ انہاں آکھیا جو اگر پاکستان دی خودمختاری تے سلامتی کوں یقینی بݨاوݨا اے تاں دفاعی صلاحیتاں کوں ٹیکنالوجی دے نویں افق نال ہم آہنگ کرݨا پوسی۔ پروفیسر احسن اقبال آکھیا جو پاکستان دے نوجوان، سائنسی علوم تے جدید ٹیکنالوجی آوݨ آلے وقت اچ ملک دی سلامتی تے خودمختاری دے حقیقی محافظ ثابت تھیسن۔ انہاں آکھیا جو بدلیندی دنیا اچ قومی سلامتی دے تقاضے وی تبدیل تھیندے پئن، ایں کیتے پاکستان کوں علم، تحقیق، جدت تے ٹیکنالوجی دے میدان اچ آپݨی صلاحیتاں کوں ٻیا مضبوط بݨاوݨا پوسی۔
