اسلام آباد۔ 07 ستمبر (اے پی پی) پاکستان تے جاپان وچال سیلاب توں تحفظ دے منصوبے کیتے گرانٹ معاہدے تے دستخط تھی ڳئن۔ وزارتِ اقتصادی امور توں سنوار کوں اتھاں جاری بیان دے مطابق جاپان سندھ اچ سیلاب توں تحفظ دے منصوبے کیتے 2.58 ارب جاپانی ین (16.4 ملین امریکی ڈالر) دی گرانٹ ݙیسی۔ منصوبے دا مقصد سندھ اچ سیلاب توں بچاؤ دے بنیادی ڈھانچے کوں مضبوط بݨاوݨا اے، منصوبے …
پاکستان تے جاپان وچال سیلاب توں تحفظ دے منصوبے کیتے گرانٹ معاہدے تے دستخط
اسلام آباد۔ 07 ستمبر (اے پی پی) پاکستان تے جاپان وچال سیلاب توں تحفظ دے منصوبے کیتے گرانٹ معاہدے تے دستخط تھی ڳئن۔ وزارتِ اقتصادی امور توں سنوار کوں اتھاں جاری بیان دے مطابق جاپان سندھ اچ سیلاب توں تحفظ دے منصوبے کیتے 2.58 ارب جاپانی ین (16.4 ملین امریکی ڈالر) دی گرانٹ ݙیسی۔ منصوبے دا مقصد سندھ اچ سیلاب توں بچاؤ دے بنیادی ڈھانچے کوں مضبوط بݨاوݨا اے، منصوبے نال سیلاب دے خطرات توں دوچار آبادیاں دی قدرتی آفات نال نبڑݨ دی صلاحیت اچ ودھارا تھیسی۔ منصوبے دے تحت لاڑکانہ اچ دریائے سندھ دے سڄے کنارے واقع اولڈ آباد بند کوں بہتر تے مضبوط بݨایا ویسی، وزارتِ اقتصادی امور دے مطابق ایکسچینج آف نوٹس تے ریکارڈ آف ڈسکشن تے سیکرٹری اقتصادی امور محمد حمیر کریم تے پاکستان اچ جاپان دے سفیر اکاماتسو شوئچی دستخط کیتے، گرانٹ معاہدے تے ایڈیشنل سیکرٹری اقتصادی امور سبینہ قریشی تے جاپانی ترقیاتی ادارہ جائیکا دے سینئر نمائندے سوگاوارا تاکایوکی دستخط کیتے۔ سیکرٹری اقتصادی امور ایں موقع تے ݙسایا جو جاپان پاکستان دا دیرینہ تے قابلِ قدر ترقیاتی شراکت دار اے اتے جاپان دی مسلسل دوستی تے فراخدلانہ ترقیاتی معاونت قابلِ قدر اے۔ انہاں آکھیا جو پاکستان دی سماجی تے اقتصادی ترقی کیتے جاپان دے پائیدار عزم کوں سراہندوں۔ پاکستان اچ جاپان دے سفیر ایں موقع تے آکھیا جو پاکستان دے نال دوستانہ تعلقات تے ݙو پاسہ تعاون ٻیا مضبوط ٻݨیسوں۔
