پاک فضائیہ دے شاہیناں 1965ء اچ دشمن دا غرور خاک اچ ملایا، وفاقی وزیرِ داخلہ

اسلام آباد۔ 07 ستمبر (اے پی پی) وفاقی وزیرِ داخلہ محسن نقوی یومِ فضائیہ دے موقع تے پاک فضائیہ دے شہداء تے غازیاں کوں زبردست خراجِ عقیدت پیش کریندیں ہوئیں آکھیا جو 7 ستمبر 1965ء پاک فضائیہ دی غیر معمولی شجاعت تے بے مثال پیشہ ورانہ مہارت دا تاریخی ڈینہہ اے۔ آپݨے خصوصی سنیھے اچ وفاقی وزیرِ داخلہ آکھیا جو 1965ء دی جنگ اچ پاک فضائیہ دے شاہیناں جرأت تے بہادری دی تاریخ رقم کریندیں ہوئیں دشمن دا غرور خاک اچ ملا ݙتا۔ انہاں قومی ہیرو سکواڈرن لیڈر ایم ایم عالم کوں خراجِ تحسین پیش کریندیں ہوئیں آکھیا جو ایم ایم عالم دی شجاعت پاکستان دی فوجی تاریخ دا سنہری تے ناقابلِ فراموش باب اے۔ انہاں کڄھ لمحیاں اچ دشمن دے 5 جنگی طیارے مار گرائے اتے ہک ایہو جیہا تاریخی کارنامہ انجام ݙتا ڄیندی دنیا اچ مثال نہیں ملدی۔ انہاں آکھیا جو پاک فضائیہ دے افسراں تے جواناں دا جذبۂ حب الوطنی تے پیشہ ورانہ صلاحیتاں قابلِ تقلید ہن اتے پوری قوم کوں پاک فضائیہ دیاں اعلیٰ صلاحیتاں تے ہمیشہ فخر رہسی۔