پشین اچ سی ٹی ڈی دا کامیاب آپریشن، 6 دہشت گرد ہلاک، وفاقی وزیرِ داخلہ دی ستائش

اسلام آباد۔ 14 ستمبر (اے پی پی) وفاقی وزیرِ داخلہ محسن نقوی پشین دے علاقے اچ فتنہ الہندوستان دے دہشت گرداں دے خلاف کامیاب کارروائی تے کاؤنٹر ٹیررازم ڈیپارٹمنٹ (سی ٹی ڈی) بلوچستان دی بھرپور ستائش کیتی اے۔ آپݨے بیان اچ وزیرِ داخلہ بروقت تے مؤثر کارروائی دے دوران 6 دہشت گرداں کوں ہلاک کرݨ تے سی ٹی ڈی دی پیشہ ورانہ مہارت دی تعریف کریندیں ہوئیں آکھیا جو اساکوں آپݨے بہادر سپوتاں تے ناز اے ڄنہاں دشمن دے مذموم عزائم کوں ناکام بݨایا۔ انہاں آکھیا جو بلوچستان اچ امن دے قیام کیتے سارے ادارے پرعزم ہن اتے قوم دی مکمل حمایت نال امن دشمن عناصر دا مکمل صفایا کیتا ویندا پئے۔