اسلام آباد۔ 14 ستمبر (اے پی پی) لبنان دے وزیرِ داخلہ احمد الحجار وزیرِ مملکت برائے داخلہ طلال چوہدری دے نال پاکستان مونومنٹ تے اسلام آباد پولیس لائنز دا دورہ کیتا۔ پاکستان مونومنٹ آوݨ تے فیڈرل کانسٹیبلری (ایف سی) دے چاق و چوبند دستے معزز مہمان کوں گارڈ آف آنر پیش کیتا۔ لبنانی وزیرِ داخلہ یادگارِ شہداء تے حاضری ݙتی، پھلاں دی چادر چڑھائی اتے شہداء دے درجات دی بلندی …
لبنان دے وزیرِ داخلہ احمد الحجار دا پاکستان مونومنٹ تے پولیس لائنز دا دورہ، یادگارِ شہداء تے حاضری تے پریڈ دا معائنہ
اسلام آباد۔ 14 ستمبر (اے پی پی) لبنان دے وزیرِ داخلہ احمد الحجار وزیرِ مملکت برائے داخلہ طلال چوہدری دے نال پاکستان مونومنٹ تے اسلام آباد پولیس لائنز دا دورہ کیتا۔ پاکستان مونومنٹ آوݨ تے فیڈرل کانسٹیبلری (ایف سی) دے چاق و چوبند دستے معزز مہمان کوں گارڈ آف آنر پیش کیتا۔ لبنانی وزیرِ داخلہ یادگارِ شہداء تے حاضری ݙتی، پھلاں دی چادر چڑھائی اتے شہداء دے درجات دی بلندی کیتے فاتحہ خوانی کیتی۔ ایں موقع تے انہاں کوں مونومنٹ دی تاریخی تے قومی اہمیت تے بریفنگ ݙتی ڳئی ڄیندے تے انہاں یادگار دے تاریخی پس منظر تے خوبصورت طرزِ تعمیر دی تعریف کیتی۔ بعد اچ اسلام آباد پولیس لائنز اچ لبنانی وزیرِ داخلہ دے اعزاز اچ ہک خصوصی پریڈ دا انعقاد کیتا ڳیا جتھاں پولیس دے دستے انہاں کوں سلامی پیش کیتی اتے ݙوہائیں ملکاں دے قومی ترانے وجائے ڳئے۔ احمد الحجار پریڈ دا معائنہ کیتا اتے پولیس جواناں دے نظم و ضبط تے پیشہ ورانہ معیار کوں سراہندے ہوئیں نمایاں کارکردگی ݙکھاوݨ آلے اہلکاراں اچ انعامات تقسیم کیتے۔ ایں موقع تے آئی جی ایف سی ریاض نذیر گاڑا، آئی جی اسلام آباد پولیس علی ناصر رضوی تے ٻئے اعلیٰ حکام وی موجود ہن۔
