حکومتِ پاکستان دے دفتری ایام اچ تبدیلی بارے سوشل میڈیا تے زیرِ گردش نوٹیفکیشن جعلی اے، فیکٹ چیکر وزارتِ اطلاعات

اسلام آباد۔ 17 ستمبر (اے پی پی) وزارتِ اطلاعات تے نشریات سوشل میڈیا تے زیرِ گردش حکومتِ پاکستان دے سرکاری دفتری ایامِ کار اچ تبدیلیاں بارے نوٹیفیکیشن کوں جعلی قرار ݙے ݙتا۔ فیکٹ چیکر وزارتِ اطلاعات تے نشریات خمیس کوں سماجی رابطے دے پلیٹ فارم “ایکس” تے آپݨی ایک پوسٹ اچ آکھیا جو سوشل میڈیا تے زیرِ گردش مذکورہ نوٹیفکیشن جعلی تے گمراہ کن اے، عوام ایہجھیں مواد تے یقین نہ کرن تے اتے نہ ایں کوں اڳوں شیئر کرن۔ عوام توں اپیل کیتی ڳئی جو مستند نوٹیفکیشنز تے سرکاری اعلانات کیتے حکومت دے سرکاری ذرائع نال رجوع کیتا ونڄے۔