پی ایم فیول ریلیف سکیم دے تحت 10 لکھ رجسٹریشنز مکمل تھی ڳئن، وزارتِ آئی ٹی

اسلام آباد۔18 ستمبر (اے پی پی) وزیرِ اعظم فیول ریلیف سکیم دے تحت ملک بھر اچ مستحق افراد کوں ریلیف دی فراہمی کیتے ہݨ تائیں 10 لکھ توں زائد رجسٹریشنز مکمل تھی ڳئں۔ وزارتِ انفارمیشن ٹیکنالوجی تے ٹیلی کمیونیکیشن دے ترجمان دے مطابق سکیم دے تحت ہݨ تائیں 8 لکھ توں زائد ٹوکنز جنریٹ کیتے ڳئن۔ ٹوکنز ریڈیمپشن دے عمل اچ پنجاب تے اسلام آباد سرفہرست ہن۔ ترجمان ݙسایا جو شفافیت تے فوری ریلیف دی فراہمی یقینی بݨاوݨ کیتے خصوصی کنٹرول روم قائم کیتا ڳئے ڄتھوں 24 گھنٹے ملک بھر اچ رئیل ٹائم مانیٹرنگ کیتی ویندی پئی اے۔ عوام دی رہنمائی تے ٻئی معلومات کیتے سرکاری پورٹل pmfuelrelief.pk فعال اے ڄتھاں توں شہری معلومات حاصل کر سڳدن۔