بلوچستان بارے میݙے بیان دا بدنتیی نال صرف ہک حصہ پیش کیتا ڳئے، میݙے نوٹس توں پہلے ہی پولیس ادویات دے کنٹینرز چھوڑ ݙتے ہن، محسن نقوی

اسلام آباد۔18 ستمبر(اے پی پی)وفاقی وزیرِ داخلہ محسن نقوی “بلوچستان کیتے ہک ایس ایچ او کافی اے” دے بیان دی وضاحت کریندے آکھیے جو ایس ایچ او والی ڳالھ دا اگلا حصہ اے ہئی جو اے ڳالھ علامتی طور تے آھدا پیاں، ٻھل ڄاݨ ٻُڄھ تے میݙے بیان دا ہک حصہ چلایا ڳئے۔ پریس کانفرنس اچ وضاحت کریندے وزیرِ داخلہ آکھیا جو مین آکھیا ہئی کہ ساݙی سکیورٹی فورسز ݙاݙھی دلیر اتے باہمت ہین، ہک ایس ایچ او حالات ٹھیک کر سڳدے، میݙی اگلی ڳالھ اے ہئی جو میں اے علامتی طور تے ڳالھ کریندا پیاں ٻھل بدنیتی نال میݙی ڳالھ دا اگلا حصہ انڄھ کر تے صرف ہک ڳالھ کوں ودھایا ویندا پئے۔ بانی پی ٹی آئی دی صحت دے سوال تے انہاں آکھیا جو معاملہ عدالت اچ ہووݨ پاروں ودھ ڳالھ نہ کریساں، بانی پی ٹی آئی دی صحت بارے جتنا چنتا انہاں دے خاندان کوں اے اتنا ہی حکومت کوں وی اے، شفا انٹرنیشنل ہسپتال منتقل نہ کرݨ بارے ضلعی انتظامیہ دا ولدا عدالت اچ پیش کر ݙتا ڳئے۔ ادویات دے کنٹینرز بارے انہاں آکھیا جو کہیں کولو کنٹینر اچ ݙیکھݨ دی صلاحیت کائنی، جیویں ہی ڈرائیور ݙسایا جو ادویات دا کنٹینر اے تاں پولیس ایکوں چھوڑ ݙتے، میݙے نوٹس توں پہلے ہی ادویات دے کنٹینرز چھوڑ ݙتے ڳئے ہن۔