وزیراعظم شہباز شریف دا شیخ احمد بن راشد المکتوم دے انتقال تے افسوس

اسلام آباد۔21 ستمبر(اے پی پی)وزیراعظم محمد شہباز شریف متحدہ عرب امارات دے نائب صدر، وزیراعظم اتے دبئی دے حکمران شیخ محمد بن راشد المکتوم دے ٻھرا شیخ احمد بن راشد المکتوم دے انتقال تے ݙاݙھا افسوس کیتے۔ اپݨی پرچاوݨی اچ وزیراعظم شہباز شریف آکھیے جو شیخ احمد بن راشد المکتوم دبئی اتے متحدہ عرب امارات دی خدمت کیتے پوری حیاتی عزت اتے ماݨ نال نبھائی، پاکستان انہاں دیاں خدمات کوں قدر نال خراجِ عقیدت پیش کریندے۔ وزیراعظم شیخ محمد بن راشد المکتوم، آل المکتوم خاندان اتے متحدہ عرب امارات دے عوام کوں مکاݨ ݙیندے دعا کیتی جو اللہ تعالیٰ مرحوم کوں جنت اچ ڄاہ ݙیوے اتے سوگوار خاندان کوں اے صدمہ سہݨ دی ہمت ݙیوے۔