نائب وزیراعظم محمد اسحاق ڈار دی شیخ احمد بن راشد المکتوم دے انتقال تے پرچاوݨی

اسلام آباد۔21 ستمبر(اے پی پی)نائب وزیراعظم تے وزیرِ خارجہ سینیٹر محمد اسحاق ڈار متحدہ عرب امارات دے نائب صدر، وزیراعظم اتے دبئی دے حکمران شیخ محمد بن راشد المکتوم دے ٻھرا شیخ احمد بن راشد المکتوم دے انتقال تے افسوس کریندے مکاݨ ݙتے۔ اپݨی پرچاوݨی اچ انہان آکھیا جو شیخ احمد بن راشد المکتوم دے انتقال دا سݨ تے ݙاݙھا ارمان لڳے، دبئی دی سلامتی و ترقی اتے متحدہ عرب امارات دی مسلح افواج کیتے شیخ احمد بن راشد المکتوم دیاں خدمات کوں وݙی مُڈ یاد رکھیا ویسی۔ انہاں پاکستان دی حکومت اتے عوام ولوں شیخ محمد بن راشد المکتوم، المکتوم خاندان اتے دبئی و متحدہ عرب امارات دے عوام کوں پرچاوݨی ݙتی تے دعا کیتی جو اللہ تعالیٰ مرحوم کوں جنت اچ ڄاہ ݙیوے اتے سوگوار خاندان کوں صبر آوے۔