وزیراعظم پنج ݙینھ دا دورہِ امریکہ مکمل کر تے اڄ لندن پڄسن

نیویارک۔25 ستمبر(اے پی پی)وزیراعظم شہباز شریف پنج ݙینھ دا دورہِ امریکہ مکمل کر تے اڄ رات لندن روانہ تھیسن۔ وزیراعظم شہباز شریف لندن اچ ݙو توں ترائے ݙینھ رہسن، ڄتھاں انہاں دا طبی معائنہ وی متوقع اے۔ وزیراعظم شہباز شریف کل فجری لندن دے لوٹن ایئرپورٹ پڄسن۔ امریکہ اچ وزیراعظم اقوامِ متحدہ دی جنرل اسمبلی اجلاس نال خطاب کیتے اتے عالمی رہنماواں نال سائیڈ لائن ملاقاتاں کیتن۔ ایں توں پہلے وزیراعظم اپݨے خطاب اچ عالمی امن، مشرقِ وسطیٰ دی صورتحال اتے تنازعات دے حل کیتے ثالثی سودھا پاکستان دے کردار تے الائے۔ انہاں امریکہ اچ مقیم پاکستانی اوورسیز بزنس فورم دے نمائندیاں دے عشائیے اچ وی شرکت کیتی۔ لندن اچ ݙو توں ترائے ݙینھ رہݨ دے بعد وزیراعظم شہباز شریف وطن واپس روانہ تھیسن۔