اسلام آباد۔9 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار نال رومن کیتھولک چرچ تے ویٹیکن سٹی دی مرکزی انتظامیہ ہولی سی دے سیکرٹری تعلقات برائے ریاستیں و بین الاقوامی تنظیمات آرچ بشپ پال رچرڈ گالاگر وزارتِ خارجہ اچ ملاقات کیتی، ملاقات اچ پاکستان تے ہولی سی دے تعلقات کوں ٻیا مضبوط بݨاوݨ تے مذاہب دے درمیان آپسی احترام، افہام و تفہیم تے پرامن بقائے …
نائب وزیراعظم تے وزیرِ خارجہ اسحاق ڈار نال ہولی سی دے عہدیدار پال رچرڈ گالاگر دی ملاقات، پرامن بقائے آپسی دے فروغ دے عزم دا اعادہ
مزید خبراں
اسلام آباد۔9 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار نال رومن کیتھولک چرچ تے ویٹیکن سٹی دی مرکزی انتظامیہ ہولی سی دے سیکرٹری تعلقات برائے ریاستیں و بین الاقوامی تنظیمات آرچ بشپ پال رچرڈ گالاگر وزارتِ خارجہ اچ ملاقات کیتی، ملاقات اچ پاکستان تے ہولی سی دے تعلقات کوں ٻیا مضبوط بݨاوݨ تے مذاہب دے درمیان آپسی احترام، افہام و تفہیم تے پرامن بقائے آپسی دے فروغ دے عزم دا اعادہ کیتا ڳیا۔ ترجمان دفترِ خارجہ دے جاری بیان دے مطابق نائب وزیراعظم و وزیرِ خارجہ آرچ بشپ دا خیرمقدم کیتا تے امن، بین المذاہب ہم آہنگی تے مکالمے دے فروغ اچ ہولی سی دے کردار کوں سراہیا۔ انہاں پاکستان دی کیتھولک برادری دیاں بالخصوص تعلیم تے صحت دے شعبیاں اچ قابلِ قدر خدمات کوں وی سراہیا۔ آرچ بشپ گالاگر ثالثی، مکالمے تے سفارت کاری دے ذریعے علاقائی امن تے استحکام دے فروغ اچ پاکستان دے تعمیری کردار کوں سراہیا۔ نائب وزیرِ اعظم تے وزیرِ خارجہ پوپ لیو چہاردہم دی جانب توں امن تے فلسطین دے تنازعے دے منصفانہ حل کیتے اصولی مطالبات کوں سراہیا اتے فلسطینی عوام دے نال پاکستان دی غیر متزلزل یکجہتی دا اعادہ کیتا۔ ݙوہیں رہنماواں جاری انسانی بحران تے گہری تشویش دا اظہار کریندیں ہوئیں خطے اچ امن دے فروغ کیتے مسلسل بین الاقوامی کوشساں دی اہمیت تے زور ݙتا۔ ݙوہائیں فریقاں پاکستان تے ہولی سی دے تعلقات کوں ٻیا مضبوط بݨاوݨ تے مذاہب وچال آپسی احترام، افہام و تفہیم تے پرامن بقائے آپسی دے فروغ دے عزم دا اعادہ کیتا۔ آرچ بشپ پاکستان تے ہولی سی وچال سفارتی تعلقات دے قیام دی 75ویں سالڳنڈ٘ھ دیاں تقریبات اچ شرکت کیتے پاکستان دا دورہ کریندے پئن۔
