صدرِ مملکت دا شمالی وزیرستان اچ فتنہ الخوارج دے 7 دہشت گرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔9 اکتوبر (اے پی پی) صدرِ مملکت آصف علی زرداری شمالی وزیرستان اچ فتنہ الخوارج دے 7 دہشت گرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ جمعے کوں ایوانِ صدر دے میڈیا وِنگ توں جاری بیان موجب صدرِ مملکت دہشت گرداں دے ٹھکاݨیاں دی تباہی تے وݙی مقدار اچ اسلحہ تے گولہ بارود برآمد کرݨ تے سکیورٹی فورسز دی مؤثر کارروائی کوں سراہیا۔ صدرِ مملکت آصف علی زرداری آکھیا جو دہشت گرداں دے غیر ملکی سرپرستاں تے انہاں دے مقامی سہولت کاراں دی سازشاں کوں ہر قیمت تے ناکام بݨایا ویسے۔ انہاں آکھیا جو دہشت گردی دے خلاف جنگ اچ پوری قوم آپݨی سکیورٹی فورسز دے نال کھڑی اے۔