سید یوسف رضا گیلانی دا پاک فضائیہ دے تربیتی طیارے دے حادثے تے افسوس دا اظہار، پائلٹس دی شہادت تے تعزیت

اسلام آباد۔12 اکتوبر (اے پی پی) چیئرمین سینیٹ سید یوسف رضا گیلانی پاک فضائیہ دے تربیتی طیارے دے حادثے تے ݙکھ تے افسوس کیتے، افسوسناک حادثے دے نتیجے اچ ݙوہیں پائلٹ شہید تھی ڳئن۔ سینیٹ سیکرٹریٹ موجب چیئرمین سینیٹ شہید پائلٹس دے اہل خانہ نال دلی تعزیت تے ہمدردی کیتی۔ انہاں آکھیا جو شہید پائلٹس دیاں ملک و قوم کیتے خدمات تے قربانیاں ہمیشہ یاد رکھیاں ویسن۔ سید یوسف رضا گیلانی دعا کیتی جو اللہ تعالیٰ شہید پائلٹس دے درجات بلند کرے تے انہاں کوں جوارِ رحمت اچ اعلیٰ مقام عطا کرے تے ݙکھی خانداناں کوں اے ناقابلِ تلافی ضیان برداشت کرݨ دا حوصلہ ݙیوے۔