اسلام آباد۔12 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار وزارتِ خارجہ تے ہائر ایجوکیشن کمیشن وچال ڈیٹا بیس دے انضمام متعلق مفاہمتی یادداشت تے دستخط دی تقریب اچ شرکت کیتی۔ ایں مفاہمتی یادداشت نال تعلیمی دستاویزات دی تصدیق دے طریقۂ کار کوں سوکھا بݨاوݨ، شفافیت اچ ودھارے تے دستاویزات دی جانچ پڑتال دے عمل کوں مزید مؤثر بݨاوݨ اچ مدد ملسی۔ ڈیجیٹل سرٹیفکیٹس تے …
وزارتِ خارجہ تے ایچ ای سی وچال ڈیٹا بیس دے انضمام دی مفاہمتی یادداشت تے دستخط، اے اقدام دستاویزات دی تصدیق دیاں خدمات کوں مزید قابلِ رسائی، مؤثر تے سوکھا بݨاوݨ دے پاسے مثبت پیشرفت اے، اسحاق ڈار
مزید خبراں
اسلام آباد۔12 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار وزارتِ خارجہ تے ہائر ایجوکیشن کمیشن وچال ڈیٹا بیس دے انضمام متعلق مفاہمتی یادداشت تے دستخط دی تقریب اچ شرکت کیتی۔ ایں مفاہمتی یادداشت نال تعلیمی دستاویزات دی تصدیق دے طریقۂ کار کوں سوکھا بݨاوݨ، شفافیت اچ ودھارے تے دستاویزات دی جانچ پڑتال دے عمل کوں مزید مؤثر بݨاوݨ اچ مدد ملسی۔ ڈیجیٹل سرٹیفکیٹس تے آن لائن سہولتاں دے ذریعے تاخیر اچ کمی آسی تے زیادہ تر معاملیں اچ دفتراں دے ذاتی دوریں دی لوڑھ ختم تھی ویسے جیندے نال بالخصوص ٻاہرلے ملک رہݨ آلے پاکستانیاں کوں سہولت ملسی۔ ترجمان وزارتِ خارجہ توں جاری بیان موجب نائب وزیراعظم و وزیرِ خارجہ سینیٹر محمد اسحاق ڈار ایں ڳالھ تے زور ݙتا جو قونصلر خدمات کوں بہتر بݨاوݨ ہمیشہ انہاں دی ترجیحات اچ شامل ریہے جیندے تحت 2024ء اچ پاکستان اچ اپوسٹیل نظام دا آغاز وی کیتا ڳیا۔ انہاں آکھیا جو اڄ دا اے اقدام پاکستانی شہریاں کیتے بھاویں او ملک اچ ہوون یا ٻاہرلے ملک، دستاویزات دی تصدیق دی خدمات کوں مزید قابلِ رسائی، مؤثر تے سوکھا بݨاوݨ دے پاسے ہک مثبت پیشرفت اے۔ نائب وزیراعظم و وزیرِخارجہ ایں اقدام کوں اڳوں ودھاوݨ اچ سارے متعلقہ اداریں بالخصوص وزارتِ خارجہ، ہائر ایجوکیشن کمیشن، انٹر بورڈ کوآرڈینیشن کمیشن تے نیشنل انفارمیشن ٹیکنالوجی بورڈ دیاں کوششاں دی تعریف کیتی۔
