راولپنڈی۔12 اکتوبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال برازیل دے مسلح افواج دے چیف آف دی جوائنٹ چیفس آف سٹاف، ایڈمرل ریناٹو روڈریگز ڈی اگویار فریرے دی سربراہی اچ اعلیٰ سطحی وفد جنرل ہیڈ کوارٹرز (جی ایچ کیو) راولپنڈی اچ ملاقات کیتی۔ پاک فوج دے شعبۂ تعلقاتِ عامہ (آئی ایس پی آر) موجب جی ایچ کیو آوݨ تے …
فیلڈ مارشل سید عاصم منیر نال برازیل دے چیف آف دی جوائنٹ چیفس آف سٹاف دی قیادت اچ اعلیٰ سطحی وفد دی ملاقات، دفاعی تعاون دے ودھارے تے ڳالھ مہاڑ
مزید خبراں
راولپنڈی۔12 اکتوبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال برازیل دے مسلح افواج دے چیف آف دی جوائنٹ چیفس آف سٹاف، ایڈمرل ریناٹو روڈریگز ڈی اگویار فریرے دی سربراہی اچ اعلیٰ سطحی وفد جنرل ہیڈ کوارٹرز (جی ایچ کیو) راولپنڈی اچ ملاقات کیتی۔ پاک فوج دے شعبۂ تعلقاتِ عامہ (آئی ایس پی آر) موجب جی ایچ کیو آوݨ تے معزز مہمان کوں مسلح افواج دے چاق و چوبند دستے گارڈ آف آنر پیش کیتا۔ملاقات دے دوران سانجھی دلچسپی دے امور، خطے دی سکیورٹی صورتحال تے ݙوطرفہ دفاعی و سکیورٹی تعاون ودھاوݨ دے مختلف پہلواں تے تفصیلی ڳالھ مہاڑ کیتی ڳئی ۔ ݙوہیں رہنماواں پاکستان تے برازیل وچال پراݨے دوستانہ تعلقات تے اطمینان دا اظہار کریندے عسکری سطح تے تعاون کوں مزید وسعت ݙیوݨ تے اتفاق کیتا۔ ایں موقع تے فیلڈ مارشل سید عاصم منیر برازیل دے نال دفاعی تعلقات کوں مزید مستحکم کرݨ کیتے پاکستان دے پختہ عزم دا اعادہ کیتا۔ معزز مہمان پاکستان دی مسلح افواج دی پیشہ ورانہ مہارت تے آپریشنل تیاریاں دی تعریف کیتی تے علاقائی امن و استحکام کیتے انہاں دی خدمات دا اعتراف کیتا۔آئی ایس پی آر موجب مطابق برازیلین وفد دا اے دورہ پاکستان تے برازیل وچال دفاعی اشتراکِ کار کوں مزید گھاٹا کرݨ تے ݙوطرفہ عسکری رابطیں کوں تکڑا بݨاوݨ دے مشترکہ عزم کوں ظاہر کریندے۔
