ایسوسی ایٹڈ پریس آف پاکستان تے علامہ اقبال اوپن یونیورسٹی وچال مختلف شعبیں اچ تعاون تے اتفاق

اسلام آباد۔12 اکتوبر (اے پی پی) قومی خبررساں ادارے ایسوسی ایٹڈ پریس آف پاکستان (اے پی پی) تے علامہ اقبال اوپن یونیورسٹی مختلف شعبیں اچ تعاون تے اتفاق کیتے۔ ایسوسی ایٹڈ پریس آف پاکستان دی منیجنگ ڈائریکٹر سبین عثمان خٹک علامہ اقبال اوپن یونیورسٹی دا دورہ کیتا تے وائس چانسلر ڈاکٹر ناصر محمود نال ملاقات کیتی۔ ملاقات اچ اے پی پی دے مارکیٹنگ تے آئی ٹی شعبے نال منسلک لوک وی موجود ہن۔ملاقات اچ اے پی پی تے علامہ اقبال اوپن یونیورسٹی وچال مختلف شعبیں اچ تعاون تے ڳالھ مہاڑ تھئی۔ ایں موقع تے ڈاکٹر ناصر محمود یونیورسٹی دے مختلف شعبہ جات تے انہاں دے امورِ کار متعلق بریفنگ ݙتی۔ ایم ڈی اے پی پی سبین عثمان خٹک ݙسایا جو ایسوسی ایٹڈ پریس آف پاکستان قومی بیانیے کوں ودھارا ݙیندی پئی اے تے ویڈیو نیوز سروس، ڈیجیٹل سودھے مختلف قومی، علاقائی تے عالمی زباناں اچ خبراں نشر کریندی اے۔ ملاقات اچ ایں ڳالھ تے اتفاق تھیا جو اے پی پی تے علامہ اقبال اوپن یونیورسٹی وچال مختلف شعبیں اچ تعاون کیتے وقتی ہک مفاہمتی یادداشت تے دستخط کیتے ویسن۔