اسلام آباد۔15 اکتوبر (اے پی پی) صدرِ مملکت آصف علی زرداری پشاور اچ سکول دے المناک حادثے اچ بچیاں تے استاداں دے جاں بحق تے زخمی تھیوݨ تے گہرے صدمے تے افسوس دا اظہار کریندیں ہوئیں متعلقہ حکام کوں زخمیاں کوں علاج دی بہترین سہولیات فراہم کرݨ تے متاثرہ خانداناں کوں ہر ممکن امداد پڄاوݨ دی ہدایت کیتی اے۔ خمیس کوں ایوانِ صدر دے میڈیا ونگ توں جاری بیان دے …
صدرِ مملکت دا پشاور سکول حادثے اچ قیمتی جانی نقصان تے اظہارِ افسوس، زخمیاں کوں علاج دی بہترین سہولیات فراہم کرݨ، متاثرہ خانداناں کوں ہر ممکن امداد پڄاوݨ دی ہدایت
مزید خبراں
اسلام آباد۔15 اکتوبر (اے پی پی) صدرِ مملکت آصف علی زرداری پشاور اچ سکول دے المناک حادثے اچ بچیاں تے استاداں دے جاں بحق تے زخمی تھیوݨ تے گہرے صدمے تے افسوس دا اظہار کریندیں ہوئیں متعلقہ حکام کوں زخمیاں کوں علاج دی بہترین سہولیات فراہم کرݨ تے متاثرہ خانداناں کوں ہر ممکن امداد پڄاوݨ دی ہدایت کیتی اے۔ خمیس کوں ایوانِ صدر دے میڈیا ونگ توں جاری بیان دے مطابق صدر آصف علی زرداری آکھیا جو ایں دلخراش سانحے پوری قوم کوں صدمے اچ پا ݙتے، ݙکھ دی ایں گھڑی اچ پوری قوم متاثرہ خانداناں دے ݙکھ اچ برابر دی شریک اے۔ صدرِ مملکت جاں بحق تھیوݨ آلیاں دے اہل خانہ تے سوگوار خانداناں نال دلی تعزیت تے ہمدردی دا اظہار کریندیں ہوئیں دعا کیتی جو اللہ تعالیٰ جاں بحق تھیوݨ آلیاں کوں جنت الفردوس اچ اعلیٰ مقام عطا فرماوے اتے ݙکھ اچ خانداناں کوں اے ناقابلِ تلافی صدمہ برداشت کرݨ دا حوصلہ تے صبرِ جمیل ݙیوے۔ صدرِ مملکت حادثے اچ زخمی تھیوݨ آلے افراد دی جلد تے مکمل صحتیابی کیتے وی دعا کیتی۔ صدرِ مملکت متعلقہ حکام کوں زخمیاں کوں علاج دی بہترین سہولیات فراہم کرݨ تے متاثرہ خانداناں کوں ہر ممکن امداد پڄاوݨ دی ہدایت کیتی۔ صدرِ مملکت حادثے دی وجوہات دا تعین کرݨ کیتے جامع تحقیقات تے مستقبل اچ ایجھے المناک واقعیاں دی روک تھام کیتے تعلیمی اداریاں دی عمارتاں دے حفاظتی معیار کوں یقینی بݨاوݨ دی ضرورت تے وی زور ݙتا۔
