وزیراعظم دا سعودی عرب دی خودمختاری، سلامتی اتے علاقائی سالمیت دے تحفظ کیتے پاکستان دے عزم دا اعادہ

اسلام آباد۔16 اکتوبر(اے پی پی)وزیراعظم محمد شہباز شریف سعودی عرب دی خودمختاری، سلامتی اتے علاقائی سالمیت دے تحفظ کیتے پاکستان دا عزم دوہرائے۔ اے ڳالھ انہاں اسلام آباد اچ سعودی عرب دے نویں تعینات سفیر ڈاکٹر راجح طامی البقمی نال ملݨ ویلھے آکھی۔ وزیراعظم نویاں ذمہ داریاں سنبھالݨ تے مبارکباد ݙتی اتے انہاں دی سفارتی ذمہ داریاں اچ کامیابی کیتے نیک خواہشات پچائن، اڄوکے سالاں اچ پاکستان اتے سعودی عرب دے تعلقات اچ اڳونہی تھئی اے۔ انہاں مختلف شعبیاں اچ تعاون ٻیا ڳھاٹا کرݨ کیتے موجودہ ادارہ جاتی میکانزم کوں مستحکم کرݨ دا عزم دوہرایا۔ وزیراعظم مملکتِ سعودی عرب دے خلاف حوثی حملیاں دی مذمت کیتی اتے آکھیا جو پاکستان اتے سعودی عرب ہمیشہ ہک ٻئے دے نال کھڑے رہین، اسٹریٹجک باہمی دفاعی معاہدہ اتے مکہ مشترکہ دفاعی اتحاد ݙوہائیں ملکاں دے دیرینہ برادرانہ تعلقات اچ تاریخی سنگِ میل ہین اتے اے علاقائی امن و سلامتی کیتے انہاں دا مشترکہ عزم ݙکھیندے۔ وزیراعظم پاکستان کوں ݙتی ونڄݨ والی طویل مدتی اقتصادی اتے مالی معاونت تے سعودی قیادت دا شکریہ ادا کیتا۔ انہاں سعودی سفیر کوں ݙوہائیں ملکاں دے دیرینہ برادرانہ تعلقات کوں ٻیا مستحکم بݨاوݨ کیتے پاکستان ولوں مکمل حمایت اتے تعاون دا یقین ݙوایا۔