اسلام آباد۔17 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار آزاد جموں و کشمیر دے عوام دی فلاح و بہبود تے خوشحالی کیتے حکومتِ پاکستان دے عزم دا اعادہ کیتے۔ ہفتے کوں دفترِ خارجہ توں جاری بیان دے مطابق نائب وزیراعظم و وزیرِ خارجہ سینیٹر محمد اسحاق ڈار آزاد جموں تے کشمیر دے صدر نجیب نقی نال ملاقات کیتی۔ ݙوہیں رہنماواں آزاد جموں تے کشمیر …
نائب وزیراعظم اسحاق ڈار دی صدرِ آزاد جموں تے کشمیر نجیب نقی نال ملاقات، آزاد کشمیر دی ترقی کیتے مسلسل کوشساں دی اہمیت تے ڳالھ مہاڑ
اسلام آباد۔17 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار آزاد جموں و کشمیر دے عوام دی فلاح و بہبود تے خوشحالی کیتے حکومتِ پاکستان دے عزم دا اعادہ کیتے۔ ہفتے کوں دفترِ خارجہ توں جاری بیان دے مطابق نائب وزیراعظم و وزیرِ خارجہ سینیٹر محمد اسحاق ڈار آزاد جموں تے کشمیر دے صدر نجیب نقی نال ملاقات کیتی۔ ݙوہیں رہنماواں آزاد جموں تے کشمیر دی ترقی تے معاشی نمو و سماجی ترقی دے فروغ کیتے مسلسل کوششاں دی اہمیت تے ڳالھ کیتی۔ انہاں خطے دی ترقیاتی ضرورتاں کوں پورا کرݨ تے عوام کیتے موقعے ودھاوݨ کیتے مشترکہ حکمتِ عملی اپناوݨ دی ضرورت تے زور ݙتا۔ نائب وزیراعظم تے وزیرِ خارجہ امید ظاہر کیتی جو آزاد جموں و کشمیر دی نویں حکومت اتھاں دے عوام دی امنگاں تے پورا لہسی۔ نائب وزیراعظم و وزیرِ خارجہ عوام دی ضرورتاں تے امنگاں دے مطابق آزاد جموں تے کشمیر دے عوام دی فلاح و بہبود تے خوشحالی کیتے حکومتِ پاکستان دے عزم دا اعادہ کیتا۔
