اسلام آباد۔17 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار مالدیپ دے صدر دے آئندہ دورۂ پاکستان دیاں تیاریاں دا جائزہ گھنݨ کیتے اجلاس دی صدارت کیتی۔ ترجمان دفترِ خارجہ توں جاری بیان دے مطابق اجلاس اچ ݙوپاسہ ایجنڈے دا جائزہ گھدا ڳیا، جیندے اچ تجارت، سرمایہ کاری، صحت، تعلیم، موسمیاتی تبدیلی، سیاحت تے سول ایوی ایشن اچ تعاون کوں وسعت ݙیوݨ تے توجہ مرکوز …
نائب وزیراعظم سینیٹر اسحاق ڈار دی صدارت اجلاس، صدرِ مالدیپ دے آئندہ دورۂ پاکستان دی تیاریاں دا جائزہ
اسلام آباد۔17 اکتوبر (اے پی پی) نائب وزیراعظم تے وزیرِ خارجہ سینیٹر محمد اسحاق ڈار مالدیپ دے صدر دے آئندہ دورۂ پاکستان دیاں تیاریاں دا جائزہ گھنݨ کیتے اجلاس دی صدارت کیتی۔ ترجمان دفترِ خارجہ توں جاری بیان دے مطابق اجلاس اچ ݙوپاسہ ایجنڈے دا جائزہ گھدا ڳیا، جیندے اچ تجارت، سرمایہ کاری، صحت، تعلیم، موسمیاتی تبدیلی، سیاحت تے سول ایوی ایشن اچ تعاون کوں وسعت ݙیوݨ تے توجہ مرکوز کیتی ڳئی۔ نائب وزیراعظم و وزیرِ خارجہ واضح کیتا جو اے دورہ برادرانہ تعلقات کوں ٻیا مستحکم کرݨ تے آپسی طور تے مفید شراکت داری کوں اگوں ودھاوݨ دا موقع فراہم کریسی۔ انہاں متعلقہ تمام افراد کوں ہدایت کیتی جو او قریبی ہم آہنگی دے نال کام کرن تانجو دورے دی کامیابی کوں یقینی بݨیا ون٘ڄ سڳے تے انتظامات اچ پاکستان دی روایتی گرمجوشی تے مہمان نوازی دی عکاسی ہووے۔ اجلاس اچ وزیراعظم دے معاونِ خصوصی طارق باجوہ، سیکرٹریز خارجہ امور، تجارت تے بین الصوبائی رابطہ، مالدیپ اچ پاکستان دے ہائی کمشنر تے متعلقہ وزارتاں تے محکمیاں دے سینئر افسراں شرکت کیتی۔
