پاکستان اتے افغانستان اچ اعتماد دے فقدان مکاونڑ سانگے پاکستان افغانستان کوں میڈیا دے شعبے اچ تعاون دی پیشکش کیتی اے، ،وزیراعظم دی معاون خصوصی اطلاعات و نشریات ڈاکٹرفردوس عاشق اعوان دی پاکستان اتے افغانستان وچ وفود د ی سطح تے گالھ مہاڑ دے بعد اے پی پی نال گالھ مہاڑ

اسلام آباد ۔ 27 جون (اے پی پی) وزیراعظم دی معاون خصوصی برائے اطلاعات تے نشریات ڈاکٹرفردوس عاشق اعوان آکھیا جو پاکستان اتے افغانستان اچ اعتماد دے فقدان مکاونڑ سانگے پاکستان افغانستان کوں میڈیا دے شعبے اچ تعاون دی پیشکش کیتی اے،ڈوہیں ملک اتے قوم دی بہتری سانگے مذاکرات اتے اتفاق رائے نال آپسی تنازعے مُکیندے پیوں،افغانستان کوں پاکستانی برآمدات دا سالانہ حجم ترائے ارب ڈالر تئیں پجاونڑ سانگے پرعزم ہیسے۔اے گالھ انہاں خمیس کوں اتھاں پاکستان اتے افغانستان وچ وفود د ی سطح تے گالھ مہاڑ دے بعد اے پی پی نال گالھ مہاڑکریندیں ہوئیں آکھی۔انہاں آکھیا جو افغانستان اتے پاکستان اچ میڈیا دے شعبے اچ باضابطہ تبادلیاں نال ہک ڈوجھے بارے غلط اندازے اتے غلط فہمیاں دے خاتمہ اچ مدد ملسی جئیں نال ڈوہیں ملکاں اچ تعلقات چنگے تھیسن۔