پاکستان40سال توں 30لکھ افغان مہاجرین دی میزبانی کریندا پے،افغان مہاجرین کوں عالمی کانفرنس توں بہوں توقعات ہن،افغان مہاجرین دی واپسی اتے افغان معاشرے اچ عالمی تعاون دی بہوں لوڑھ اے، وزیر خارجہ شاہ محمود قریشی دا افغان مہاجرین بارے تھیونڑ آلی عالمی کانفرنس توں خطاب

اسلام آباد ۔ 17 فروری (اے پی پی) وزیر خارجہ شاہ محمود قریشی آکھیا جو پاکستان40سال توں 30لکھ افغان مہاجرین دی میزبانی کریندا پے،افغان مہاجرین کوں عالمی کانفرنس توں بہوں توقعات ہن،افغان مہاجرین دی واپسی اتے افغان معاشرے اچ عالمی تعاون دی بہوں لوڑھ اے۔اے گالھیں انہاں سنوار کوں اتھاں افغان مہاجرین بارے تھیونڑ آلی عالمی کانفرنس توں خطاب کریندیں ہوئیں آکھی۔ایں موقع تے وزیر اعظم عمران خان، اقوام متحدہ دے سیکرٹری جنرل انتونیوگوتریس اتے مہاجرین سانگے اقوام متحدہ دے ہائی کمشنر فلپو گرینڈی سمیت اہم ملکی اتے عالمی شخصیات موجودہن۔انہاں ایں موقع تے آکھیا جو مہاجرین دی وطن واپسی سانگے افغانستان اچ پائیدار امن بنیادی شرط اے اتے افغان مہاجرین دی باعزت واپسی سانگے سارے سانجھے داراں کوں اپنڑاں کردار ادا کرنڑاں چاہیدے۔